8-9 нчы сыйныф укучылары арасында юл йөрү кагыйдәләрен белү буенча “Своя игра” уены үткәрелде. Укучылар төрле кызыклы һәм файдалы сорауларга җавап бирделәр, юл йөрү кагыйдәләрен ничек белүләрен күрсәттеләр. Юлда йөрү куркынычсызлыгы кагыйдәләрен кабат искә төшерделәр, ныгыттылар. Уен мавыктыргыч һәм кызыклы булды.

Физкультура дәресендә 7 сыйныф укучылары арасында биеклекккә сикерү буенча ярыш үтте. Укучылар бик теләп катнаштылар.

7 нче класста «Юл йөрү кагыйдәләрен төгәл бел!» дигән темага уен-викторина үтте. «Динамит» һәм «Җилкән» командасы кагыйдәләрне белүдә көч сынаштылар. Ике команда да уенда актив катнашты. «Динамит» командасы җиңү яулады.

Мәктәбебезнең 9 сыйныф укучылары Төп  дәүләт имтиханнарына әзерләнәләр. Бу җаваплы чорда җаваплылык, игътибарлылык, сабырлык сыйфатлары укучыларга максатларына ирешергә ярдәм итәчәк.

Буген 1-3 нче класс укучылары белән, дәресләрдән соң, "Онытылган уеннар" кичәсен үткәрдек. Әлеге кичәдә татар халкының онытылып баручы уеннарын искә төшердек. "Түбәтәй", "Әмбәләк", "Өчле бию", "Почмаклы уены". Уеннар балаларга бик ошады. Әлеге уеннарны, бик теләп, бергәләп уйнадык.

Укучыларга сәламәтлекнең яшәү рәвешебез,үз-үзебезнетотышыбыз белән бәйле булуын төшендерү, сәламәтлекнең кеше тормышындагы ролен  һәм аны ничек сакларга икәнен аңлату, сәламәт яшәү рәвеше күнекмәләре тәрбияләү максатыннан 31 октябрь көнне мәктәбебездә сәламәтлек көне үткәрелде.

Без бүген 1-3 класс укучылары белән көзгә сәяхәт кылдык. Төрле кызыклы сорауларга җаваплар эзләдек, табышмаклар чиштек. Көзге үзгәрешләргә аңлатмалар бирдек. Көзге муллыкны чагылдырган рәсемнәр ясадык.Соңыннан көз темасына мастер-класс уздырдык.

Мәктәбебездә дәресләрдән соң баскетбол түгәрәге эшли.Укучылар түгәрәккә теләп йөриләр .

Көзне бик күңелсез ел  фасылы дисәләр дә, балалар аяк астында кыштырдаган сары яфракларга, коеп яуган  яңгыр вакытында кулчатыр астында  торуларына да сөенә беләләр. Менә шуңа да инде, көз бәйрәме балаларның иң яраткан  бәйрәмнәренең берсе. 26 октябрьдә 2 һәм 4 сыйныфларда “Көзбикәдә кунакта” баш астында көз бәйрәме үткәрелде. Чарабыз бик күңелле узды. Балалар җырладылар, биеделәр, уеннар уйнадылар.

Көз үзенең матурлыгы, хозурлыгы белән барлык тереклек дөньясын үзенә җәлеп итә. Аның шушы сыйфатларына шатланып 2 һәм 4 сыйныф укучылары  “Көзге табигатьнең могҗизалары” дип исемләнгән искиткеч күргәзмә ясадылар. Анда укучыларның фантазияләреннән чыгып яшелчәләрдән, җиләк-җимешләрдән ясалган кулэшләре, көзге матур букетлар урын алды.