Тарих-география атналыгыкысаларында 5 нче класста “Һиндстанга диңгез юлы” дигән темага ачык дәрес үткәрелде. Дәрес эшлекле атмосферада, укучыларның активлыгы белән үтсен өчен дәреснең беренче этабында ук уңай психологик халәт тудырылды. Укучыларны дәрес темасына алып кереп китү өчен шигырь юллары файдаланылды. Укучыларны дәрес эшчәнлегенә юнәлтә торган әнгәмә оештырылды.Укучылар үз фикерләрен туплап үз сәяхәтләре белән таныштыра алдылар.Дәрестә Сингапур структурасы  уңышлы файдаланылды.

Носы  төп гомуми белем бирү мәктәбендә тарих- география атналыклары уза.  Атналык   барышында «Җир Минераллары” дип исемләнгән минераллар җыелмалары күргәзмәсе оештырылды.  Күргәзмә укучылар өчен кызыклы һәм файдалы булды.

1 декабрь - Бөтендөнья СПИДка каршы көрәш көне. 9 нчы класста «СПИД- гасыр бәласе» дигән класс сәгате үткәрелде. Укучыларга кешелеккә наркомания, токсикомания, СПИД кебек афәтләрнең ничек  куркыныч булуы аңлатылды, статистик мәгълүматлар белән таныштылар. ВИЧ-инфекциясе – ул, иммунодефицит вирусын (ВИЧ) барлыкка китергән, хроник инфекцион авыру. Ул иммун системасын зарарлау һәм таркату, икенчел инфекция һәм яман шешләрне барлыкка китерүче булдырылган иммунитет дефициты синдромы икәнлеген белделәр.Тормышка куркыныч янаучы  аянычлы хаталар ясаудан сак булырга кирәклеген төшенделәр.

30 нчы ноябрь көнне мәктәбебездә тарих-география атналыгы башланып китте. Атналык кысаларында 5-6 нчы класс укучылары арасында “Борынгы Мисыр” дип аталган интелллектуаль уен уздырылды. “Тарихчылар” һәм “Фиргавеннәр” командасы үзара көч сынашты. Укучылар фән буенча кызыклы сорауларга җавап бирделәр, дәрестә алган белемнәрен уңышлы файдаландылар.Уен укучыларга бик ошады.

Югалган балаларны, өлкән кешеләрне табарга ярдәм итүне сорап язган белдерүләрне еш укыйбыз. 8-9 нчы класс укучылары белән шушы темага класс сәгате үткәрелде. Чит кешеләр белән үзеңне тоту, урманда, таныш булмаган урыннарда адашып калганда үтәлергә тиешле куркынычсызлык кагыйдәләре аңлатылды.

 С целью выявления экологически грамотных обучающихся, повышения естественнонаучной грамотности в  МБОУ «Нусинская ООШ» провели Всероссийскую олимпиаду  «Эколята - молодые защитники природы».

7 класс укучылары арасында ТАССР төзелүгә 100 ел уңаеннан «Йолдызлы сәгать» интеллектуаль уены үткәрелде. Укучылар уенда бик теләп катнаштылар. Туган як тарихы, күренекле шәхесләр, татар халкының бәйрәмнәре турындагы сорауларга дөрес һәм төгәл җаваплар бирделәр, төрле биремнәр үтәделәр. Уенның жюрилары — сигезенче класс укучылары гадел нәтиҗә чыгардылар. Җиңүчеләр грамоталар белән бүләкләнде. Әфәрин, укучылар!

Территориальном отделе Управления Роспотребнадзора по Республике Татарстан запланирован личный прием населения 24 ноября 2020 г. с 14.00 до 15.30 час в режиме видеоконференцсвязи.

8-9 нчы сыйныф укучыларына сәламәт яшәү рәвеше алып бару,  сәламәтлекне саклау һәм ныгыту кагыйдәләрен системалы үтәү,  үз сәламәтлегең турында кайгыртучанлык һәм чисталыкка  омтылыш тәрбияләү максатыннан “Сәламәт яшәү рәвеше” дигән темага интеллектуаль уен үткәрелде. Укучылар саулыкның матур гомер итү өчен мөһим шарт икәнлеген аңладылар.Зарарлы гадәтләрнең сәламәтлеккә зыян китерүен тагын бер кат исбатладылар. Кызыклы сорауларга җавап таптылар. Уен укучыларга бик ошады.

Юл йөрү кагыйдәләре турындагы белемнәрне ныгыту, урамда йөргәндә игътибарлы булырга өйрәтү, машина йөртүче, юл хәрәкәтен көйләүче хезмәткәр һөнәрләренә кызыксыну тәрбияләү максатыннан Сәрдәбаш башлангыч мәктәбе укучылары белән чираттагы класс сәгатен юл йөрү кагыйдәләренә багышладык. Безнең татар халкында бик матур бер гадәт бар: бездә юлга чыгучыларны: “Хәерле юл!” – диеп озатып калалар һәм: “Исән-сау кайттыңмы?” – диеп каршы алалар. Әйе, хәзерге заманда юллардан исән-сау әйләнеп кайту бик күп зиһен һәм тапкырлык сорый торган эш. Шуңа күрә без кечкенәдән үк юл йөрү кагыйдәләрен өйрәнергә тиеш.Чара барышында төрле җырлар, шигырьләр ярдәмендә юлда йөрү кагыйдәләре искә төшерелде. Аларны төгәл үтәмәгән очракта килеп чыгарга мөмкин булган бәхетсезлек очракларына мисал китерелде, үзләре ясап алып килгән рәсемнәргә аңлатма биреп киттеләр.