Сезне зур бәйрәм – Татарстан Республикасы көне белән ихластан котлыйбыз!Бүген Татарстан – куәтле, эзлекле үсеш алган төбәк. Республикабыз  киләчәккә омтылып яши, елдан-ел бөтен дөньяга таныла бара. 

Чын күңелдән Сезгә сәламәтлек, гаилә иминлеге, республикабыз үсешенә өлеш кертерлек яңа казанышлар телибез!

24 нче  августта  булган  мәктәпләр  ярминкәсендә мәктәбебез актив катнашты.
Ярминкә белән танышырга район башлыгы Илшат Нуриев та килде. Халык аз түгел. Яшелчә, җиләк-җимеш, бәрәңге, мунча себерке, һәм үләннәр сатыла. Концертта булып узды. 2024 ел - 2024 елда Татарстанда фәнни-технологик үсеш елы. Шул уңайдан эчтәлекле күргәзмәләр оештырылды.  әфәрин, мәгариф хезмәткәрләре!

22 августта иң мөһим дәүләт символларының берсе булган Россия Федерациясе Дәүләт флагы көне билгеләп үтелә. Кешенең үз иленең символларына ихтирамлы һәм сакчыл мөнәсәбәте - аның гражданлык күрсәткече, димәк, укымышлылыгы, мәдәнияте, әхлагы чагылышы. Дәүләт символларына хөрмәт күрсәтеп, без үз Ватаныбызга мәхәббәт һәм хөрмәт күрсәтәбез, Россия гражданнары булуыбыз белән горурланабыз. Россия флагы астында бүген төрле милләт һәм халык вәкилләре берләшә. Безнең флагыбыз бай тарихы һәм дәүләтчелек традицияләре булган бөек ил флагы буларак бөтен дөньяда таныла. Аның артында-безнең дәүләтнең күп гасырлык тарихы. Россия Федерациясе Дәүләт флагын күтәрү тантанасы безнең һәрберебездә Ватаныбыз өчен горурлык хисе уята.

29 нчы  июль  көнне  Арча  социаль  яклау  бүлеге  Форпост  һәм  Росгвардия  оешмаларына  керүче  яшьләр  белән  берлектә  укучылар  өчен  кызыклы  уен  программасы  үткәрделәр.

Бүген  мәктәпне  яңа  2024-2025 нче  уку  елына  кабул  итү  булды.

Бүген Россия тарихында иң кайгылы даталарның берсе-Хәтер һәм кайгы көне. 1941 елның 22 июнендә фашист Алмания сугыш игълан итмичә генә Советлар Союзына һөҗүм итә. Бу көнне без миллионлаган һәлак булганнарны искә алу, Ватанны саклаучы, аның азатлыгы өчен гомерләрен биргән кешеләрнең батырлыгы һәм фидакарьлеге алдында баш иябез. 

Лагерьда "Дуслык көне" балалар һәм яшүсмерләр арасында дуслык мөнәсәбәтләрен үстерүгә, шулай ук коллективны берләштерүгә юнәлдерелгән. Чара кысаларында отрядлар буенча «Дуслык нәрсә ул»темасына диспутлар үткәрелә. Балаларга нәрсә эшләргә яратулары һәм кемне яратулары турында сөйләргә мөмкинлек бирелә. Бу аларга бер-берсе турында күбрәк белергә мөмкинлек тудыра. Шулай ук көн кысаларында кызыклы конкурслар үткәрелә, анда балалар күңел ачалар һәм көләләр. Табигатькә «Яшел даруханә» экскурсиясе үткәрелде. Гербарий ясау өчен үсемлекләр җыйдык.

Замана чире  торган  саен  күбрәк  яшьләрне  үз  кочагына  тартып  ала.Бу  афәттән  котылучыларның  саны  күп түгел.Безнең  максат - яшьләрнең   яман  гадәтләрнең  яхшылыкка  илтмәвен  аңлауларына  ирешү. Бүген  лагерьга  йөрүче  балалар    белән  "Наркотиклар - начарлык" дигән  темага  багышланган  әңгәмә  үткәрелде  һәм  социаль  видеороликлар  карау  оештырылды. 

Беркемгә дә сер түгел, авылларда юл билгеләре куелмаса да аларны белергә кирәк.Авылда да билгеләр куерлык урыннар күп. Чөнки биредә машиналар күп йөри. Шуңа күрә без кечкенәдән үк юлда йөрү кагыйдәләрен белергә тиешбез, юлда имин йөрүебез үзебездән тора. Чөнки кагыйдәне белмәгән балалар куркыныч хәлләргә күбрәк эләгәләр. Әйдәгез, без сезнең белән юл билгеләрен һәм кагыйдәләрен кабатлап китик.Бүген бездә ГАИ инспекторы белән очрашу булды.Ул лагерьдагы укучыларга юл кагыйдәләрен искә төшерде.

«Кояшкай» мәктәп яны лагеренда иртә күңелле зарядкадан башланды ,балалар барлык күнегүләрне дә рәхәтләнеп башкардылар. Тәмле иртәнге аштан соң балалар җәмгыятькә файдалы хезмәт белән шөгыльләнделәр. Мәктәп ишегалды территориясеннән чүп-чарны җыештырдылар. Балаларны тәрбияләү системасын камилләштерүнең мөһим юнәлешләренең берсе-экскурсия эшен нәтиҗәле оештыру. Балалар авыл буйлап экскурсиягә чыктылар. Балалар Исмәгыйлева М.Җ. һәм Шакирова Д. К. га кызыклы  экскурсия өчен зур рәхмәтләрен белдерделәр, чөнки туган якның тарихы һәм танылган кешеләре турында тагын да күбрәк белергә телиләр. Тәмле төшке аштан соң балалар саф һавада хәрәкәтле уеннар уйнадылар. Эстафеталар, мини-футбол, пионербол уздырылды. Көн кызык үтте һәм балалар бик күп яңа белемнәр  алдылар.