Тема: "Матур итеп кар ява"
Максат: балаларны пумаланың очы белән, зәңгәр фонга ак буяу ярдәмендә, кар яуганны тасвирлап, төрле зурлыктагы төртекләр ясарга өйрәтү; пөхтәлек, чисталык тәрбияләү.

Сынлы сәнгать( (рәсем)
Тема: Кыш
Максат: Балаларда рәсем ясау теләге тудыру. Дөрес итеп төсләр сайлап алу. Кышның үзенчәлекләрен күрсәтә белү. Уйлаганны дөрес итеп рәсемдә формалаштыру. Чиста- пөхтә эшләүне таләп итү.

Кечкенәләр төркеме
Кисеп ябыштыру.
Тема:"Бияләй бизибез"
Максат:балаларны геометрик фигуралар ярдәмендә, элементларның зурлыклары, төсләре белән чиратлаштырып, мөстәкыйль рәвештә бизәк төзергә өйрәтү, чиста, пөхтә ябыштыру күнекмәләрен ныгыту, эстетик зәвык тәрбияләү.

Туган тел
Тема:"Исәнме кыш"
Максат: балаларны кыш фасылы белән таныштыру, картинадан карап кыш билгеләрен әйтергә өйрәтү, бәйләнешле сөйләм телен үстерү.

1993 елдан 3 декабрьдә Халыкара инвалидлар көне билгеләп үтелә. Инвалидлар – алар көчле ихтыярлы, батыр, дөньяны аерым күрүче, эчке яктан бай кешеләр. Аларның берсе хәрәкәт итүдә чикләнгән, икенчеләре дөньяның төсләрен күрү, аның күптөрле тавышларын ишетү мөмкинлегеннән мәхрүм.
Шул уңайдан балалар бакчаларында да төрле чаралар үткәрелә. Без балалар белән шул темага әңгәмә үткәрдек. "Җиде таҗлы чәчәк" мультфильмын карап, нәтиҗә ясадык. Максатыбыз - үзеңнең сәламәтлегеңне саклау, инвалидларга карата кайгыртучанлык һәм хөрмәт тәрбияләү.

«Мин һәм Кызыл китап» республика балалар кул эшләре бәйгесенең муниципаль этабы нәтиҗәләре:
-Гафуров Риналь II урын
- Төхфәтуллин Йосыф III урын
 

Әниләрнең назы белән
Без керәбез һәр көнгә.
Кояш кирәк җир йөзенә
Әни кирәк һәркемгә!
Әни! Һәркем өчен иң изге, иң кадерле зат. Бу якты дөньяга килгәч тә нарасыен йомшак куллары белән сыйпап, ак биләүгә биләуче, елаганда юатучы, татлы йокыдан иркәләп уятучы, яшәргә көч-дәрт бирүче бит ул безнең газиз әниләр!
Балагызның берәве сез,
Гаиләнең йөрәге сез.
Иминлекнең терәге сез.
Һәркемнең кирәге сез.
Бакчабызда әниләр көне уңаеннан әниләр һәм балалар белән берлектә “Сәламәтлек-зур байлык” исеме астында бәйрәм иртәсе үткәрдек. Бәйрәм балаларның матур шигырьләре, җырлары, биюләре белән үрелеп барды. Әниләр балалары белән бергә командаларга бүленеп, үзләренең тапкырлыкларын, җитезлекләрен күрсәтеп, уеннарда, ярышларда актив катнаштылар.

Безнең туган телебез – татар теле. Без Тукай якташлары, телебезнең тирән, кодрәтле, серле дөньясының нәкъ үзәгендә кайнап, аның байлыгына, матурлыгына, фикри тирәнлегенә, аһәңлегенә сокланып һәм горурланып яшибез. Ирешелгәннәр белән чикләнмичә, Арча районы мәгариф идарәсе тәкъдиме белән бакчабызда “Чишмә башы” исемле электрон газетасы чыга башлады.
Максатыбыз – тәрбияләнүчеләребезне, тылсымлы тел дөньясына кереп, бәйләнешле сөйләм үстерергә, тапкыр әйтергә, фикерне төгәл белдерергә, телебезнең байлыгын, хикмәтен, язмышын аңларга ярдәм итү.

Кыйммәтле дарулар урынына - сарымсак.
Сарымсак тамак авырту , томау төшү, йөткерү, салкын тию билгеләреннән коткара.

Бездә бүген Туган көн. Төркемебездәге батыр егетебез Төхфәтуллин Йосыфны чын күңелдән котлыйбыз. Сәламәт, озын гомерле, тәүфыйклы, иманлы булып, әти-әни тигезлегендә үсәргә насыйп булсын. Бәхетле балачак телибез.