Әкиятләрне кем генә яратмый икән! Аларны барыбыз да яратып тыңлыйбыз, карыйбыз, сөйлибез. Әкиятләрдә батырлык, кыюлык, җитезлек, уңганлык, мәрхәмәтлелек, эш сөючәнлек мактала, ә куркаклык, ялган сөйләү кебек начар сыйфатлар хур ителә. Аларда яхшылык начарлыкны һәрвакыт җиңә, явызлык җиңелә.Әйдәгез, бүген әкиятләрне үзебезгә чакырыйк әле. Тылсымлы әкиятләр – хыялга бай: иксез – чиксез диңгезләр, кеше үтә алмаслык кара урманнар, бер төн эчендә ясалган гүзәл сарайлар, җир астындагы гаҗәеп дөнья һ.б. Бу төр әкиятләр күләме буенча да зуррак. Аларда хәрәкәт бик тиз бара, вакыйгалар я бик зурайтылып, я бик кечрәйтелеп бирелә. Тылсымлы әкиятләрдә уйлап чыгарылган образлар бик күп, мәсәлән, убырлы карчык, дию пәрие, су анасы һ. б. Хайваннар турындагы әкиятләр. Бу төр әкиятләрдә катнашучылар – хайваннар. Аларның һәркайсы билгеле бер сыйфатка ия булган: бүре – комсыз, куян куркак, төлке – хәйләкәр һ. б. әкияттәге хайван образлары аша кешеләр арасындагы мөнәсәбәтләр чагыла. Тормыш – көнкүреш әкиятләре. Алар күләм буенча кыска. Бу төр әкиятләр тормышта булган вакыйгаларны чагылдыралар. Тормыш – көнкүреш әкиятләрендә дә саранлык, ялкаулык кебек сыйфатлар тәнкыйтьләнә.

Тема: "Вакыт белән танышу!"

Максат: 1.Бер-берсен тыңлый белү, үз фикерен башкаларга дөрес итеп җиткерә белү сыйфатларын тәрбияләү;

2.Шакмаклы дәфтәрдә ориентлашу күнекмәсен камилләштерү, логик фикерләүне, игътибарлылыкны, күзәтүчәнлекне үстерү;

3.Кушу һәм алуга арифметик мәсьәлә төзеп чишәргә, сәгать макетында вакытны билгеләргә өйрәтүне дәвам итү.

Музыка.

Тема: "Уен кораллары белән таныштыру!"

Бурычлар:

·         Бию хәрәкәтләрендә ритмны тою

·         

Тема:"Җимлектәге кошлар!"

Максат: 1.Кошлар турында кайгыртучанлык хисләре тәрбияләү;

2.Кошларны чагыштыру, аерымлыкларын күрү, әвәләү алымнарын ачыклау;

3.Гәүдәсен өлешләп әвәләргә,гәүдәсен һәм баш зурлыгының аермасын күрергә өйрәтү.

Картина буенча тулы җөмләләр төзеп сөйләү.

Яңа ел бәйрәмнәре матур гына узып бара, бакчабыз иминлеген саклап көн дә дежур торабыз.

Бездә бүген Яңа Ел

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Әти-әниләребезнең күңел җылысын биреп эшләгән яңа ел чыршылары күргәзмәсе.

Бүген бакчабызда иң күңелле бәйрәмнәрнең берсе-яңа ел кичәсе узды.Бәйрәмгә төрле әкият геройлары кунакка килделәр, алар төрле матур һөнәрләр өйрәнеп, тамашачыларны  шатландырдылар.Кыш бабай белән Кар кызыннан бүләкләр алдылар.Кичә бик күңелле узды.

Яңа еллар килсен бәхет алып, шатлык-куанычлар белән!

Сау-сәламәт булыйк, матур эшләр кылыйк!!!