Һәрбер бала 2-3 яшьтән  алып үсмер чакка кадәр бирелеп рәсем ясарга ярата. Балалар нәрсә күрә, нәрсә ишетә, ничек беләләр, ничек уйлыйлар, сиземлиләр шулай ясыйлар.

Коры кәгазь биттендә генә ясап була дип әйтүчеләр ялгышалар. Юеш альбом бите рәсемләү өчен менә дигән өслек. Альбом битен тулы килеш чиста мамык кисәге белән чылатабыз. Рәсем ясау өчен барысы да әзер – телисез икән кисточка белән, телисез икән бармаклар ярдәмендә рәсем төшерә аласыз. Без дә бүген рәсем эшчәнлегендә шушы ысулны кулланып рәсем ясадык. Берсеннән-берсе матур рәсемнәр килеп чыкты.Соңыннан алардан күргәзмә оештырдык.

Бүген балалар бакчасында план буенча чираттагы "Ата-ана баласы өчен җаваплы" темасы астында ата-аналар җыелышы булып узды. Бакчабызның мөдире һәм тәрбиячеләр үзләренең чыгышларын ясадылар, әти-әниләр биргән сорауларга җавап биреп, алдагы эш планнары буенча киңәшләштеләр.Балалар үсеп җиткәнче, вакытларының күп өлешен ата – аналары янында уздырган бер чорда аларга урамда ничек тәртипле булырга, табигатьне ничек сакларга, авыруларга, картларга ничек ярдәм итәргә кирәклеген турыдан – туры өйрәтергә зур мөмкинлекләр бар. Ата – ана мәхәббәте баланы киң күңелле, ягымлы, ачык йөзле итә. Шушы мәхәббәт җылысы балада намуслылык, йомшак күңеллелек тәрбияли. Баланың шәхес булып формалашуы, иң беренче чиратта, гаилә тәрбиясенә бәйләнгән.Ата-ана -төп тәрбияче. Тәрбия кылу өчен үзеңә тәрбияле булырга кирәк. 

Балаларны 10 саны эчендә тәртип буенча санарга өйрәтүне дәвам итү, “ничэ”, “ничәнче” сорауларына җавап бирүләрен, предметның озынлыгын шартлы үлчәм буенча үлчәүне ныгыту; геометрик фигуралар белэн эшләү күнекмәләрен үстерү; 4 олештән 1 бөтен предметны җыю күнекмәләрен, логик фикерләү сәләтләрен камилләштерү, математика шөгыленә кызыксыну уяту.

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.Барыбызга да билгеле, әлеге айның иң матур иң олы бәйрәме — СИГЕЗЕНЧЕ МАРТ — ХАЛЫКАРА ХАТЫН КЫЗЛАР КӨНЕ.Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.Әлеге гүзәл бәйрәм көнендә без әниләребезне бәйрәм кичәсенә чакырып, бергәләп бәйрәм иттек.

Сигезенче  март
Әни бәйрәме.
Бүләк итәрмен
Чәчәк бәйләме.

Ничек табарга
кайда чәчәк бар?
Кая карама-
Каплаган ак кар.

Ә без әниләребезгә чәчкәләрне үзебезнең нәни кулларыбыз белән ясадык.

Готовились к конкурсу  по пожарной безопасности "Неопалимая купина". Работали по декоративно-прикладному творчеству. Использовали аппликацию и пластилинографию. 

Вак-вак кына итеп кисеп

Өяләр аны таудай.

Чак-чак кына алып, өзеп

Аша, дустым, син шулай!

Чәк-чәк – ул татар халкының иң дәрәҗәле ризыгы, чәк-чәк белән мәртәбәле кунакларны каршы алалар. Бүген без аны ясау серләренә төшендек. Дуслар белән бергәләп тозлы камырдан чәк-чәк әзерләдек.

Бакчабызда "Юлда йөрсәң-бул уяу!" исеме астында юл кагыйдәләренә карата мероприятие үткәрдек.Хәзерге шау-шулы заманда юл йөрү кагыйдәләрен белмәү сәбәпле балалар  белән  куркыныч хәлләр килеп чыгарга мөмкин.  Менә шундый күңелсез хәлләр килеп чыкмасын өчен   балалар бакчасында балаларга  юл йөрү кагыйдәләрен   кече яшьтән үк өйрәтә башлыйбыз. Без, тәрбиячеләр, аларга  юл йөрү кагыйдәләрен төгәл үтәүнең мөһимлеген аңлатабыз,  юл йөрү кагыйдәләре буенча белемнәрен тикшерәбез, юл билгеләренә, сфетофор сигналларына карап хәрәкәт итәргә күнектерәбез, балаларда  игътибарлылык, ярдәмчел булу сыйфатлары тәрбиялибез, юл билгеләре безгә бик күп нәрсә турында сөйләвен төшендерәбез. Балаларның уеннарда актив катнашуларын, сорауларга дөрес һәм төгәл итеп җавап бирүләрен, юл  кагыйдәләрен белү дәрәҗәсен   Арча шәһәре ЮХИДИ хезмәткәре  Мухаметзянова Энҗе Газиз кызы бәяләде.Ул балаларга  үзенең теләкләрен җиткерде, зур рәхмәтен белдерде.

Гаиләнең, терәге – ир-ат, әти кеше. Безнең татар халкында борыңгыдан әти кеше – гаилә башлыгы итеп, аңа зур ихтирам, олы хөрмэт белән караганнар, бу бүгенге көндә дә шулай кала бирә. Ни әйтсәңдә гаиләнең бөтенлеге, барлыгы аның җилкәсендә. Әтиләр ил терәге, гаилә таянычы да. Безнең әтиләребез, без тыныч яшәсеннәр, матур уйнасыннар, тамакларыбыз тук булсын, илебез имин булсын өчен Ватаныбызны саклаганнар. Без бу кадерле кешелэребезне 23 февраль – Ватанны саклаучылар көне белән тәбрик итәбез! Сезгә, хөрмәтлеләребез, ныклы сәламәтлек, балаларыбызга урнәк булуыгызны, гомерләрегез озын булып, тыныч күк йөзе астында яшәргә насыйп итсен! 

 Бәйрәм уңаеннан бакчабызда балалар һәм әти-әниләр белән берлектә спорт уеннары үткәрдек. Алар ике командага бүленеп үзара көч сынаштылар. Бәйрәм бик күңелле үтте. Бакча коллективы исеменнән әти-әниләребезгә зур рәхмәтебезне белдерәбез.

Дөньядагы һөнәрләрне санап бетереп булмый. Алар көннән-көн арта бара..Менә шул һөнәрләр арасыннан һәр кеше үзенә туры килгәнен сайлап алырга тиеш. Ул һөнәр аңы гомер буена озата барыр. Һәрбер кешенең һөнәр сайлауга кызыксынуы балачактан ук уяна икән.Бакчабызда күбрәк һөнәрләр турында сөйләшсәк балаларыбызга  аларны сайларга җиңелрәк булыр.Безнең тормыш хезмәттән тора. Һәрбер балаланың  әти-әниләренең  үзләре сайлаган һөнәрләре, эш урыннары бар. Балалар һөнәрләр белән якыннанрак танышу максатыннан  без "Әтиемнең һөнәре" темасына стенгазета ясадык. Әтиләренең яраткан эшләре турында сөйләгәндә балалар горурланып, игътибар белән тыңлап утырдылар.