Бүген бакчабызда шашка  уены буенча ярышлар узды.Шашка уены уйлау, фикерләү сәләтен үстерә, балалар арасында дустанә мөнәсәбәт  урнаштырырга булыша.Уен балаларда зур кызыксыну хисләре уятты.

07 январь көнне әти-әниләр белән берлектә таудан чана шуу ярышлары уздырылды.Ярышларда һәр кем бик теләп катнашты.

Кисеп ябыштыру.

Тема: "Куянкай, йомшаккай!"

Максат: Балаларның, күзаллауларын формалаштыру,зурлыклары буенча өлешләрен туры китереп куян кисеп ябыштырырга өйрәтү,турыпочмаклыктан овал кисү, үз эшеннән канәгать булу, кайчы белән сак эш итү, чисталык ,пөхтәлек тәрбияләү.

Тәрбиянең  кайсы гына өлкәсен алып карасаң да, ул хезмәт белән тыгыз бәйләнгән . Әйтик, аң-белем алу, үзеңдә әхлаклылык һәм эститек тәрбия нормаларын булдыру, ихтыяр көче тәрбияләү- болар барысы да кешенең тырыш хезмәт нәтиҗәсе.

Хезмәт- чыннанда, күәтле тәрбия көче. Әгәр хезмәт балаларның рухи дөньясына үтеп керсә, дуслык һәм иптәшлек шатлыгы бирсә, башкарган эшенә карата канәгатьлек хисләре уятса, тырышлык кызыксынучанлык үстерсә, аларда  авырлыкларны җиңеп чыгу шатлыгы тудырса, әйләнә- тирә дөньяда яңадан-яңа матурлыклар ачса, беренче гражданлык хисе- кеше тормышы өчен кирәкле материаль байлыклар тудыру теләге булдырса, хезмәт әнә шул вакытта бөек тәрбияче була да инде.

Яна елга кар сыннары ясап куйдык! Тирә-якны ямьләндереп матур утлар җемелди.

Бергәләшеп кардан торле сыннар ясыйбыз.Бердәмлектә көч!!!

Мөмкинлекләре чикләнгән кешеләребезгә ярдәм йөзеннән "Битараф булмыйк!"дип исемләнгән мәдәни чарада катнаштык.

Еллык план үтәлеше нигезендә башлангыч сыйныф укучыларына чыгарылыш төркеме балалары "Теремкәй" әкиятен сәхнәләштереп курсәттеләр.Ахырдан башлангыч сыйныф укытучысы белән әңгәмә кордылар.