23 нче февраль көнне Жиңүнең 80 еллыгы, Ватанны саклаучылар елы уңаеннан, "Казанка" агрофирмасы җитәкчесе Сабиров Айдар Фәрит улы ярдәме белән, Түбән Мәтәскә авылы клубында барлык уңайлыклары булган спорт залы ачылды! Тантанада район башлыгы Илшат Нуриев, район башкарма комитеты җитәкчесе Ренат Гатиятов, район авыл хуҗалыгы һәм азык-төлек идарәсе җитәкчесе Айрат Хәбиров, республика милли көрәш Федерациясе башкарма директоры Марсель Таһиров һәм башка кунаклар катнашты. Шулай ук, ял көне булуга карамастан, мәктәбебезнең барлык укучылары, укытучылары бу чарада актив катнаштылар. Рәхәтләнеп күңел ачып, ачык һавада, учакта пешерелгән пылаудан авыз иттеләр.

Туган тел атналыгы кысаларында мәктәбебездә төрле чаралар булып узды. Бүген  5 нче сыйныф укучылары өчен "Халык уеннары - тәрбия чарасы" исеме астында күңелле тәнәфес оештырылды. Укучылар күңелле итеп, җырлы-биюле татар халык уеннары уйнадылар.

21 нче февраль - Туган тел көне уңаеннан мәктәбебездә "Туган телебезне саклыйк!" исеме астында бәйрәм кичәсе узды. Укучыларыбыз туган телебездә, рус телендә, инглиз телендә, таджик телендә шигырьләр сөйләделәр, җырлар җырладылар, милли биюләр биеделәр. Балаларның күңелендә милли рух бәйрәм көнендә генә түгел, һәрдаим сакланса иде.

Ватанны саклаучылар көне уңаеннан, башлангыч сыйныф укучылары һәм аларның әти-әниләре өчен «Күңелле стартлар» спорт-күңел ачу чарасы узды.
Балалар, әти-әниләр командаларга бүленеп  йөгерү һәм сикерү һәм башка мавыктыргыч бәйгеләрдә, туплар һәм кыршаулар белән эстафеталарда катнаштылар. Балалар тизлек һәм җитезлек, командада эшли белү буенча ярыштылар. Балаларны спорт дәрте һәм үз командасының җиңүгә ирешү теләге  җәлеп итте.  һәрберсе  бар көченә финишка беренче булып килергә тырышты. «Күңелле стартлар»ның барлык этаплары киеренке көрәштә узды.  Балалар, әти- әниләр чарадан  күтәренке кәеф белән таралышты.

Бүген Арчаның 6 номерлы мәктәбендә "Тел - күңел көзгесе" дип исемләнгән шигырь укучылар бәйгесе булып үтте. Безнең мәктәпнең 4 нче сыйныф укучысы Саттарова Илүзә (җитәкчесе Йосыпова Р.К.) уңышлы чыгыш ясап, лауреат исеменә лаек булды. Котлыйбыз!

“Туган тел айлыгы” дәвам итә. Шул уңайдан, 20 нче февраль көнне татар теле һәм әдәбияты укытучысы Габдрахманова Наилә Шайнур кызы 8 нче һәм 9 нчы сыйныфлар арасында “Газиз туган телем” дип исемләнгән интеллектуаль уен үткәрде. Укучылар татар теле, әдәбият, Татарстан тарихы буенча белемнәрен сынадылар, логик биремнәргә җавап бирделәр. Уенда 9 нчы сыйныфның “Тапкырлар” командасы – беренче, 8 нче сыйныфның “Зирәкләр” командасы икенче урынны яулады.

1 нче февральдән 28 нче февральгә кадәр мәктәбебездә хәрби-патриотик тәрбия айлыгы бара. Шул уңайдан, төрле балалар оешмасында торучы укучылар белән авылыбыз уртасында урнашкан һәйкәлне кардан чистартып кайттык.

В рамках недели родных  языков учитель русского языка и литературы Тухбатуллина Ляйсан Хурматулловна провела с учащимися 5 класса интеллектуально-познавательную игру "Счастливый случай".  Ребята активно участвовали  во всех геймах,  продемонстрировали свои знания, расширили кругозор, проявили находчивость и смекалку. Игра прошла в дружественной атмосфере, а у участников было отличное настроение.

В рамках недели родных языков учитель русского языка и литературы Шакирова Гузалия Камиловна  с учащимися 6 и 7 классов  провела интеллектуальную игру “Знатоки русского языка".

Быел совет гаскәрләрен Әфганистаннан чыгаруның 36 еллыгы.15 февраль – Әфган Республикасыннан совет гаскәрләрен чыгарган көн, мөһим вакыйга гына түгел, искә алу һәм кайгы көне дә. Төзәлмәслек күңел ярасы, ачы хәсрәт күтәреп, бик күп яшьләребезнең гомерен өзеп, тарихка кереп калган Әфган сугышы әле тиз генә төзәлмәс кебек. Еллар үтү белән күп вакыйгалар хәтердән җуела, әмма тарих мәңгелек. Кешелеккә күп кайгы-хәсрәтләр китергән Әфган сугышы тарихта кала, халык хәтерендә мәңге саклана. Бүген Әфганстанда хезмәт иткән олы йөрәкле кешебез, авылдашыбыз Галиуллин Зиннур абыйны чакырып, "Әфганстан - йөрәк ярасы" дип исемләнгән очрашу кичәсе үткәрдек.