2026 елның 17 февралендә С.З. Габдрахманова исемендәге Яңа Кенәр урта гомуми белем бирү мәктәбе педагогларыТатарстан Республикасы Мәгариф һәм фән министрлыгы оештырган республика вебинарында катнаштылар.
Чараның темасы куркынычсызлык һәм психологиянең актуаль мәсьәләләренә багышланган иде: "Яшьләр арасында деструктив күренешләрне профилактикалау. Индивидуаль консультация маршрутын эшләү үзенчәлекләре".
Вебинарда тәрбия эшләре буенча директор урынбасары,педагог-оештыручы;сыйныф җитәкчеләре;тәрбия буенча киңәшче;педагог-психолог катнаштылар
;


 

12-15 нче февраль көннәрендә Минзәләдә 2010-2011 нче елгы яшүсмерләр арасында волейбол буенча Татарстан Республикасы Беренчелеге булып узды
4 көн буена 14 команда җиңү өчен көрәште. Арча районы командасына призлы урынга лаек булуга аз гына калды, команда 4 нче урынны алды.
Безнең мәктәбебез укучылары Шакирзянов Риназ, Гайнуллин Данил, Нигматуллин Әмир дә әлеге команда составында булдылар һәм районыбыз данын якладылар.
Тренерлары: Хайруллин З. Т.

Пушкин картасы программасы нигезендә укучыларыбыз телефон өчен аскуйма ясау буенча мастер-класста катнаштылар.

Бүген укучыларыбыз "Кар десанты" акциясендә катнаштылар.
“Кар десанты” – яшь волонтёр акциясе, ул халыкка ярдәм итү, укучыларны тәрбияләү, сәламәт яшәү рәвеше кыйммәтләрен формалаштыруга юнәлтелгән чаралар комплексын үз эченә ала. Мәктәбебезнең 7-8 нче класс укучылары әлеге акциядә катнаштылар. Алар авылның өлкән кешеләренә өй территорияләрен кардан чистартырга булыштылар. Укучыларыбызның бу хезмәте киләчәктәге зур эшләренең матур башлангычы булсын иде.

Физика, математика, информатика һәм физик культура атналыгы кысаларында 8 нче Б сыйныфында "Мәйданнар" темасына геометрия фәненнән ачык дәрес үтте.Укытучы Тухфатуллина Л.Р.

Хокук фәне буенча Бөтенроссия олимпиадасының республика этабында 10 нчы сыйныф укучысы Хакимзянов Булат һәм 9 А сыйныф укучысы Вәлиуллина Зилә уңышлы чыгыш ясап кайттылар.Укытучы: Биктова Р. Р.

4 класс укучылары гражданлык-патриотик тәрбия айлыгы кысаларында уздырылган  " Язам сиңа, Герой!", "Солдатка хат" акциясендә катнаштылар.

Бүген математика һәм рус теле фәннәре буенча имтиханга әзерлек консультацияләре узды.

Мәктәбебездә физика, математика, информатика һәм физик культура атналыгы башланып китте.
Атналык кысаларында 11 нче сыйныф укучылары Статград системасы буенча математика фәненнән сынап карау имтиханы эшлиләр

"Җәлил укулары" төбәкара фәнни-гамәли конференциясендә уңышлы чыгыш ясап, 6 нчы А сыйныф укучысы Хафизова Ралинә 2 нче дәрәҗә диплом белән бүләкләнде.
Җитәкчесе: Хафизова Г. Н. Чын күңелдән котлыйбыз.