Бүген укучыларыбыз Арча әдәбият һәм сәнгать, Әлифба музейларында булдылар. Районыбызда туып үскән күренекле шәһесләребезне барлап,аларның тормыш юлларын,хезмәтләрен өйрәнеп,дөньядагы бердәнбер әлифба музее белән танышып кайттылар.

Бүген безнең мәктәптә Апаз авыл җирлеге башлыгы,район Советы депутаты Котдусов Раушан Фарадисович  "Парламент дәресләре" уздырды. Ул хокуклар һәм бурычлар, Татарстан һәм Россия Конституциясе, депутатлар һәм аларның эшчәнлеге турында сөйләде.

8 класс укучысы Хамидуллина Камилә татар әдәбиятыннан республика олимпиадасының йомгаклау этабында призёр булды. Җитәкчесе Нуриева Т.Г.  һәм Камиләгә  киләчәктә дә уңышлар теләп калабыз.

Бүген Совет гаскәрләрен Әфганстаннан чыгару көненә багышланган сыйныф сәгатьләре, Батырлык дәресләре үткәрелде. Батырлык дәресендә укучылар Әфган сугышы тарихы белән таныштылар, әфган сугышының башлану сәбәпләре һәм аның дәвамлылыгы, совет гаскәрләренең югалтулары, язмыш җәбер — золым язмышын билгеләгән якташларыбыз турында белделәр.

 15 февраль-Герой шагыйрь Муса Җәлилнең туган көне. Ул - татар халкының сөекле улы, шигырьләре белән фашизмга каршы аяусыз көрәш алып барган бөек шагыйрь. Бүген татар теле укытучысы Нуриева Т.Г. «Муса Җәлил -патриот шагыйрь» темасына ачык  чара үткәрде. Шагыйрьнең тормыш юлы, әсирлектә үткән көннәре, “Моабит” төрмәсендә язган үлемсез шигырьләре, җәлилчеләрнең батырлыгы турында искә алынды,укучылар шигырьләрен сөйләделәр.

 Бүген парламент дәресләре “Без – Россия гражданнары» исеме астында үтте. Аны тарих укытучысы Бадгиев Р.М.уздырды.

Мәктәптә татар теле һәм әдәбияты атналыгы башланып китте." Татар милли бизәкләре" осталык дәресе үткәрелде

13 февраля в нашей школе  классные руководители провели внеурочные занятия «Разговоры о важном». « Разговоры о важном » — это тематические классные часы, которые проводятся в 1-9 классах в начале каждой учебной недели. Классный час в начале учебной недели проводился на тему:   « РОССИЯ В МИРЕ» . Цель: раскрыть значение и роль России в современном мире, формировать представления обучающихся о достижениях и мировой значимости российской науки, культуры, технологий, о вкладе России в борьбу с нацизмом, колониализмом. Формирующиеся ценности: патриотизм, любовь к Родине, служение Отечеству.

10 февраль көнне Арча шәһәрендә отряд вожатыйлары республика конкурсының муниципаль этабы үткәрелде.24 иң яхшы отряд вожатые арасыннан 8 сыйныф укучысы Хамидуллина Камилә 2 урын яулады.Камиләне чын күңелдән котлыйбыз,киләчәктә  дә уңышлар телибез!

11 нче февраль көнне Арча шәһәре стадионында ел саен үткәрелә торган «Россия чаңгы юллары-2023» акциясе узды. «Россия чаңгы юллары» иң популяр һәм массакүләм спорт төрләренең берсе. Кышкы бәйрәмнәрнең  данлы тарихы булган«Россия чаңгы юллары» акциясе елдан-ел мөһим вакыйгаларга әверелә бара. Укучыларның спорт белән шөгыльләнүләре, сәламәтлекләрен ныгытулары, чаңгы юлларын калынайтулары безне куандыра. Сәламәт тәндә-сәламәт акыл да була.