Татарстан Республикасы Конституциясен кабул итү көне 1992 елдан башлап билгеләп үтелә. Бу бәйрәм республика Төп Законының аерым әһәмиятен, дәүләтнең һәм җәмгыятьнең законлылыкны һәм хокук тәртибен ныгытуга омтылышын гәүдәләндерә.

Һәр бәйсез дәүләтнең үз Конституциясе була. Конституция — төп закон ул. Анда дәүләтнең иҗтимагый, икътисадый корылыш нигезләре, гражданнарның хокуклары һәм бурычлары билгеләнгән.

Татарстан Республикасы Конституциясе 1992 нче елның 6 нчы ноябрендә кабул ителгән. Конституциядә әйтелгәнчә, Татарстан — демократик дәүләт. Анда барлык хакимият халык кулында. Җир, су, урман һәм башка табигать байлыклары, дәүләт бюджеты акчалары, дәүләт банклары активлары, мәдәни һәм тарихи хәзинәләр — бөтенесе халык байлыгы.

Татарстанның Конституциясе сәяси, икътисадый, социаль һәм мәдәни тормышның барлык өлкәләрендә гражданнарның тигез хокукларын гарантияли. Республикабызда барлык гражданнар да тигез хокуклы һәм тигез бурычлы. Дәүләт аларның тормышын, сәламәтлеген, шәхси иреген яклый. Республика гражданнары хезмәткә, ялга, медицина ярдәменә, чиста табигать мохитенә, торакка, дәүләт уку йортларында түләүсез белем алуга һәм башка хокукларга ия.

Дәүләт гаилә турында кайгырта, ана белән баланың сәламәтлеген саклауга һәм балаларны тәрбияләүгә аерым игътибар бирә. Татарстанда һәрбер кешегә сүз, матбугат, фикер һәм вөҗдан иреге бирелә.

Татарстанда дәүләт телләре — тигез хокуклы татар һәм рус телләре. Татарстан Республикасы башка дәүләтләр белән ышанычлы мөнәсәбәтләр урнаштыра, икеяклы килешүләр төзи, вәкиллекләр белән алмаша, халыкара оешмалар эшчәнлегендә катнаша.

Татарстан Республикасы гражданнары Конституцияне һәм барлык законнарны үтәргә бурычлы. Алар башка гражданнарның намусын һәм милли горурлыгын хөрмәт итәргә, закон тәртибендә салымнар түләргә һәм хәрби хезмәт үтәргә, дәүләт чыгымнарында катнашырга, табигатькә сакчыл мөнәсәбәттә булырга, мәдәни хәзинәләрне һәм тарихи истәлекләрне сакларга, башка илләрнең халыклары белән хезмәттәшлекне үстерергә, бөтен дөньяда тынычлыкны ныгытырга  бурычлы.

Каникулның һәр көне укучыларыбыз өчен файдалы һәм кызыклы утә. Бүген мәктәп китапханәсендә  5 класс укучылары өчен“ Дустым китап”  дигән темада библиографик дәрес уздырылды. Бу дәрестә укучылар үткән темаларны практикада кулландылар. Төрле ярдәмлекләр аша фондта булган  китапларны табарга өйрәнделәр.  

Бүген мәктәбебездә башлангыч класслар белән “Әкияттә кунакта” дип аталган әкиятләр кичәсе булды. Кичәдә балалар әкиятләр буенча  төрле сорауларга җаваплар бирделәр, табышмакларга җаваплар табып әкият геройларын таныдылар, төрле әкиятләрдән өзекләр сәхнәләштереп күрсәттеләр. Кичә барлык балаларга да бик ошады. 

1 ноябрь көнне Ашытбаш мәдәният йортында С.Садыйкованың 110 еллыгына багышлап “ Калфаклы сандугач “  тематик кичә уздырылды. Кичәдә 7-8 класс укучылары катнашты. Алар С. Садыйкованың тормыш юлы,иҗаты белән таныштылар, җырларын тыңладылар.

Каникуллар башланса да мәктәбебездә эш гөрли. Укучылар түгәрәкләргә йөрүләрен, олимпиада һәм имтиханнарга әзерләнүләрен дәвам итәләр.

28 октября  на базе Дворца школьников прошло заседание Детской районной Думы старшеклассников. Ребята познакомились  с Университетом талантов 2.0 и приняли участие в тренинге развитие компетенций успешного человека.

   Бик борынгы заманнарда ук  карбыз культуралы үсемлекләрдән саналган.

   Америкада әлеге татлы җимешкә багышлап «Карбыз» көне билгеләп үтелә.  Бу бәйрәмне кем һәм кайчан уйлап тапканы да билгеле түгел. Әмма моңа карап, бәйрәм үзенең популярлыгын югалтмый, киресенчә, аны бәйрәм итүчеләр елдан-ел арта гына бара.

Бүген 5-7 класслар  арасында уздырылган уңыш бәйрәме  шушы татлы җимешкә багышлап үткәрелде. Бәйрәмдә  класслар арасында бәйгеләр оештырылды, укучылар җырладылар,биеделәр. Ә иң күңелесе бәйрәмнән соң карбыз белән сыйлану булды.