Кышкы каникул вакытында укучылар , ата-аналар белән берлектә,  Яңа Кырлайда Кыш бабай һәм Кар кызында кунакта булдылар. Аларны Шүрәлеләр каршы алып сихри урманга алып кереп киттеләр,анда алар убырлы карчык өендә кунак  булдылар. Шүрәлеләр укучыларны төрле уеннар уйнатып , Кыш бабайның өенә озаттылар. Балалар уеннарда катнашып, күңелле ял иттеләр. 

Кышкы каникуллар тәмам. Яллар бик матур, күңелле һәм файдалы узды. 2017 нче ел җиһанга аяк басты. Бу ел да уңышлы , имин, тыныч, матур ел  булсын! Барыгызга да киләчәктә уңышлар. нык сәламәтлек, бәхет, шатлык-куанычлар гына телибез!

8 январь көнне  мәдәният йорты, ата-аналар белән берлектә "Хәрәкәттә-бәрәкәт" дигән исем астында мәдәни-спорт чарасы узды. Чара җыр-бию, күңелле уеннар, ярышлар белән үрелеп барды. Кыш бабай белән Кар кызы бүләкләр өләште. Ахырдан  бәйрәм чәй табыны артында дәвам итте. Көн бик салкын булса да, барыбыз да күтәренке кәеф , җылы  , матур хисләр белән өйләргә таралыштык. 

Бүген 9 – класс укучылары  өчен биологиядән  консультация  үткәрелде.

Ахырдан укучылар  үсемлекләр , хайваннар патшалыклары буенча тест эшләре эшләп , белем күнекмәләрен ныгыттылар.

4 январь укучыларның кышкы каникул вакытында "Смешарики һәм башкалар..." дип аталган мәдәни спорт чара үткәрелде. Смешариклар һәм әкият геройлары балаларга төрле кызыклы уеннар уйнатып ,тәмле күчтәнәчләр өләштеләр. Балалар уеннарда бик теләп катнаштылар.Уеннардан соң мультфильм карадылар, чыршы янында биеделәр, җырладылар.

 3 нче январь көнне мәктәптә  "Барыгыз да боз өстенә"  дигән исем астында спорт бәйрәме узды.  Әлеге бәйгедә яшь спортчылар эстафета уеннарында көч сынаштылар, тимераякта шудылар, хоккей уйнадылар . Эстафетада командалар  үзләренең осталыкларын, җитезлекләрен  күрсәттеләр. Төп оештыручы  физик тәрбия укытучысы Сабирҗанов Н.Ф. булды. Балалар мәйданчыкта уздырган төрле уеннарда актив катнаштылар . Бәйрәмнән барыбыз да  яхшы кәеф һәм күңел күтәренкелеге белән таралыштык.

4 января в школе прошла консультация по подготовке к ОГЭ по русскому языку и к ЕГЭ по математике. Учащиеся выполнили задания ФИПИ.

3 января  в школе прошла консультация по подготовке к ЕГЭ по русскому и английскому языкам. Ребята выполнили тренировочные задания,  рассмотрели алгоритмы выполнения некоторых заданий. 

« Мөстәкыйль балалар» проекты кыссаларында уздырылган акцияләрдән тыш, мәктәбебезнең әлеге группадагы укучылары белән төрле бәйгеләр, кичәләр уздырыла. 3  нче январь көнне мәктәп китапханәсендә « Яраткан китабым» дигән темада  китапларга кузәтү уздырылды. Укучылар үзләренең  яратып укыган китаплары турында фикер алыштылар , декабрь аенда туган укучыларның туган көннәрен билгеләп үттеләр, чыршы әйләнәсендә җырладылар , биеделәр.

31 нче декабрь көнне  мәктәпкә , балаларны куандырып, бәйрәм өстенә бәйрәм ясап, бүләкләр күтәреп, “Таттелеком”акционерлык җәмгыяте вәкилләре килеп керде. Алар коллективны бәйрәм белән котладылар. Балаларга Кыш бабай күчтәнәчләре алып килгәннәр. Алар шулай ук Акчишмә башлангыч мәктәбендә һәм мөмкинлекләре чикләнгән укучыларның өйләрендә дә булдылар. Балалар аларны шатланып каршы алдылар. 
    Хөрмәтле Шәфигуллин Лотфулла Нурислам улы! Мәктәп коллективы һәм әти-әниләр исеменнән Сезгә олы рәхмәтебезне җиткерәбез  . Сезне ихлас күңелдән Яңа ел бәйрәме белән кайнар котлыйбыз! Яңа елда барлык изге уй-ниятләрегез, хыялларыгыз тормышка ашсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Башкалар белән чын күңелдән, юмарт итеп бүлешкән гамәлләрегез үзегезгә әйләнеп кайтсын.