18 нче январь мәктәбебездә башлангыч класс укытучылары әти-әниләр белән берлектә  Күңелле стартлар үткәрделәр. Ярышта Сибагатуллиннар, Шавалиевлар, Файзрахмановлар гаиләсе катнашты. Гаиләләр төрле спорт уеннарында бик актив катнаштылар. Ярышларда алар үзләренең  җитезлекләрен, бердәмлекләрен, кыюлыкларын күрсәттеләр. Сибагатуллиннар гаиләсе “Иң кыю”, Шавалиевлар гаиләсе “Иң бердәм”, Файзрахмановлар гаиләсе “Иң җитез” гаилә номинациясендә җиңү яуладылар.   

6 нчы класс укучылары "Математик поезд"да "сәяхәткә барып кайттылар".Алар "Логик мәсьәләләр", "Мәкальләр", "Ребуслар", "Кроссвордлар", "Музыкаль" "станцияләрдә булып үзләренең белемнәрен сынадылар.Төрле биремнәр, мәсьәләләр чиштеләр, җырладылар. Жюри һәр "станция"дә булуны бәяләп, баллар чыгарды.Нәтиҗәдә "Квадрат" командасы җиңү яулады.Аларны тәбриклибез!

Атналык кысаларында мәктәпнең иң яхшы шашкачысын ачыклау өчен ярыш башланып китте.Укучылар бик теләп язылдылар.
Уен 5-7 класс укучылары,8-9 класслар,10-11 класслар (кызлар,малайлар аерым) арасында үткәреләчәк.

Бүген "МИФ" (Математика, информатика һәм физика) атналыгы старт алды. Беренче көнне укучыларга төрле кызыклы мәсьәләләр бирелде. 
5-6 класс укучылары "Тапкырлый беләсеңме?" дигән уенда катнаштылар.