10 нчы февраль - Россиядә кышкы уеннар көне. Бу көнне мәктәбебез  район күләмендә чаңгы  ярышы уздырды.Ярыш Ашытбаш белән Кысна авыллары арасында урнашкан трассада узды. Спорт чарасында катнашу өчен  төрле мәктәпләрдән   60 спортчы, аларның тренерлары, әти-әниләре җыелды. Аларны  мәктәп директоры  Кавиева Р.Р. ,  Ташкичү җирлеге башлыгы Фәйзуллин Ф. Х., район спорт мәктәбеннән килгән кунаклар сәламләде.Җиңү яулаган  укучылар   һәм мәктәп командалары грамоталар һәм  истәлекле бүләкләргә лаек булды.

6 нчы февраль көнне  башлангыч класслар укытучысы  Рәмзия  Рифатовна тәҗрибә уртаклашу максатыннан башлангыч класс һәм предмет укытучылары өчен 4 нче класста “Зурлыкны санга һәм санны зурлыкка тапкырлау”дигән темага математикадан ачык дәрес үткәрде. Дәрес ФГОС таләпләренә туры китереп үткәрелде. Укучылар дәрестә актив катнаштылар, үз белемнәрен күрсәтә белделәр. 

4 нче февраль  көнне  Арча укучылар йортында “Гаҗәеп әйдаман” республика бәйгесенең  район туры уздырылды. Бәйге барышында укучылар үзләре белән таныштырдылар, балалар оешмасы эшчәнлеге буенча тест сорауларына җавап бирделәр, төрле педагогик ситуацияләрне чиштеләр. Әлеге бәйгедә безнең  мәктәптән 10 сыйныф укучысы Хәбибуллина Х катнашты  һәм уңышлы чыгыш ясап 2 урынга лаек булды.

      Бүген Яңа Кенәр урта гомуми белем мәктәбендә “Форпост” отрядларының зона буенча спартакиадасы уздырылды. Безнең мәктәп командасы (җитәкчесе СабирҗановН.Ф.) III урынга лаек булды. Аларны зур уңышлары белән котлыйбыз һәм киләчәктә дә сынатмаслар дип өметләнәбез.

2  нче февраль көнне Иске Кырлай мәктәбендә Фәнил Гарафиев истәлегенә 8 нче тапкыр традицион чаңгы ярышлары уздырылды. Ярышларда барлыгы 15 мәктәптән һәм Арча педагогия көллиятеннән 111 укучы катнашты. Ярышта 1 нче урынны безнең мәктәп командасы яулады! Җиңүчеләребезне чын күңелдән котлыйбыз! Нык сәламәтлек, киләчәктә дә зур уңышлар телибез!