Бүген бердәм Универсиады көне уңаеннан һәрбер сыйныфта бу темага сыйныф сәгатьләре булып узды. Башлангыч сыйныфлар бу көнне төрле ярышлар белән билгеләп үттеләр. Ә югары сыйныфларда Универсиадының символлрына һәм ярыш төрләренә карата дәресләр узды.

Бүген Дәүләки җирле үзидарә вәкилләре, мәктәп коллективы, авыл халкы Җиңү бәйрәмен билгеләп үтәргә авылыбыз һәйкәле янна җыелды. Мәктәп укучылары һәм балалар бакчасында тәрбияләнүче балалар тарафыннан әзерләнгән монтаж барыбызга да охшады. Илебезнең азатлыгы өчен көрәшеп үзләренең гомерләрен биргән солдатларны бер минут тынлык белән искә алып, алар истәлегенә веноклар куелды. 

Буген биология, технология  дәресләрендә,  укучылар укытучылары  белән мәктәп янындагы чәчәклекләрне матурлап, анда төрле -төрле чәчәкләр утырттылар.

 Бөек җиңү көненә багышланган көрәштә мәктәбебезнең 8 сыйныф укучысы Ибәтуллин Илшат үз авырлыгында 2 нче урын яулады. Афәрин Илшат! Сиңа тагын да уңышлар һәм сәламәтлек телибез. 

Бүген мәктәбебездә башлангыч сыйныф укытучысы Хөсәенова Венера Фирдинант кызы   "Тормыш иминлеге нигезләре" курсыннан  ачык дәрес уздырды.  Әлеге дәрестә тормыш өчен куркынычлы экстрималь вакыйгалар турында сөйләшенде.

Россия күләм "Тормыш иминлеге нигезләре" курсыннан ачык дәрес үткәрү максатыннан медицина хезмәткәре белән очрашу булып узды. Авылыбызның фельдшере Әнисә апа укучыларга беренче медицина ярдәме күрсәтү күнекмәләрен өйрәтте. Кан киткәндә жгут салу, сөякләр сынганда шин кую ысулларын күрсәтеп  практик дәрес уздырды.

Бүген пожардан саклау службасының һөнәри бәйрәмнәре. Шушы максаттан мәктәбебездә Татарстан Республикасы Апас муниципаль районының Гадәттән тыш хәлләр министырлыгының күзәтеп тору бүлеге начальнигы Вәлиев Илдар Илгизәр улы  "Тормыш иминлеге нигезләре" курсыннан  ачык дәрес уздырды. Бу дәрес укучылар һәм укытучылар колективы өчен бик кирәкле һәм файдалы булды.

"Үз агачыңны утырт" акциясендә безнең мәктәп укучыларыда бик теләп катнашты. Бүген мәктәп яны тәҗрибә кишәрлегенә чия үсентеләре утыртылды.

"Язның бер көне ел туйдыра", дигән девиз белән бүген мәктәп бакчасына кишер, суган  чәчәкләр һәм җиләк үсентеләре утыртылды.  "Туфракка  дымлы вакытта  орлыкларны чәчү уңышны мулрак бирер" - ди химия-биология укытучысы, мәктәп яны тәҗрибә кишәрлеге җитәкчесе  Хәйбуллина Фәния Фәрид кызы.

Быелгысы елда мәктәп яны тәҗрибә кишәрлеге,  авыл хуҗалыгы министырлыгы тарафыннан  бирелгән  грантка алынган  мотоблок ярдәмендә эшкәртелде. Югары сыйныф укучылары бу  техника белән бик теләп һәм яратып мәктәп бакчасын эшкәртте.