15 нче февраль көнне, 4 нче сыйныфта, укытучы Шаехова Инсия Имамагзамовна сөйләм телен үстерү дәресеннән "Йорт хайваннары. Атлар." темасына ачык дәрес үткәрде.

"Русия чаңгы юллары" массакүләм чаңгы ярышларында мәктәбебез коллективы оешкан төстә катнашты.

   Спорт һәм сәламәтлек айлыгы кысаларында мәктәбебезнең физкультура укытучысы Н.А.Сибгатуллин җитәкчелегендәге егетләребез командасы Такталачык, Чалманарат мәктәбе  укучылары белән дусларча очрашу  вакытында  мини-футбол ярышлары оештырып,  үз көчләрен сынадылар.

   Мәктәбебездә    февраль аенда узачак рус теле һәм әдәбияты атналыгына әзерлек  бара . Укучылар атналык кысаларында узачак конкурслар, викториналардагы биремнәргә җаваплар эзлиләр, әдәби әсәрләргә иллюстрацияләр ясыйлар.

   Бүген мәктәбебездә класс җитәкчеләре, тәрбиячеләр, ата-аналар белән берлектә  сөйләшү булды. Сөйләшү-аралашу вакытында,  январь ае буенча балаларның мәктәпкә йөреше күрсәткече каралды.  Йөрешнең уку өлгерешенә һәм сыйфатына тәэсире тагын бер кат ассызыкланды. Ата-анларга балаларны интернаттан  ялларга алып китү һәм китереп кую тәртибе аңлатылды.

 Физкультура укытучысы Н.А.Сибгатуллин  җитәкчелегендәге егетләребез командасы  Россия Махсус Олимпиадасы  программасы кысаларында  Мөслим  районында уздырылачак мини-футбол буенча зона ярышларына әзерлекне башладылар.

   Бүген спорт һәм сәламәтлек айлыгы кысаларында  группалар арасында һәм мәктәп беренчелегенә шашка ярышы булды. 1-2 группалар арасында  4 нче класс укучысы Салимов Радик, 3-4 группа укучылары арасында  9 нчы класс укучысы Хөснияров Айнур җиңүче булды. Мәктәп буенча беренчелектә Хөснияров Айнурга тиңнәр табылмады.  Айнурны җиңүе белән ихлас котлыйбыз, алдагы тормышында зур уңышларга ирешүен телибез.

    Минзәлә шәһәрендә үткәрелгән  Россия Махсус Олимпиадасы программасы  буенча  VII Республика өстәл  теннисы   ярышының зона этабында мәктәбебез егет-кызлары I урынны яулап кайтты. Укучыларыбызны һәм тренерлары Н.А.Сибгатуллинны зур җиңүләре белән ихлас котлыйбыз, финал ярышларында да җиңүгә ирешүләрен телибез. 

         Мәктәбебездә  уку елы дәвамында барлык укытучы-тәрбиячеләр тәҗрибә уртаклашу максатыннан ачык дәресләр, класс сәгатьләре,  тәрбия чаралары күрсәтәләр.   Тәрбия чарасының   чираттагысын "Чәчәкләр бәйрәме"  исеме астында I группа укучылары белән тәрбияче Гүзәл Мухаметшина үткәрде. Чара вакытында балалар чәчәкләр турында  шигырьләр сөйләделәр, аларның әһәмияте турында җанлы әңгәмә вакытында үзләренең белемнәрен арттырдылар.Чара ахырында укучылар квиллинг ысулы белән  матур чәчәкләр ясадылар.

   "Йолдызлык-2012" конкурсының  зона сайлап алу турында укучыларыбыз уңышлы чыгыш ясадылар. 9 нчы класс укучысы Габдрахманов Зәйтүн һәм 4 нче класс укучысы Гарипова Гөлшат конферансье  номинациясе буенча район сайлап алу турында чыгыш ясаячаклар.Аларга уңышлар телибез.