Бәйрәмсез бик күңелсез бит,

Күңелсездер сезгә дә.

Бәйрәмнәр кирәк сезгә дә,

Бәйрәмнәр кирәк безгә дә,

Кирәк һәммәбезгә дә!

    15 май көнне тәрбиячеләр Л.И.Нуриева һәм А.Н.Петрова II группа укучыларының туган көн кичәсен уздырды. Бәйрәм кичәсе зур әзерлек белән үтте. Җырлар-биюләр, төрле ярыш-конкурслар белән үрелеп барган кичә бар балаларга да, килгән кунакларга да бик ошады.

Бүген , тәрбияче А.И.Гараева  III группа укучылары белән "Туган көннән дә шәп бәйрәм юк" дигән исем астында  туган көн кичәсе үткәрде. Кичәнең беренче өлешендә укучылар үзләренең һөнәрләрен күрсәттеләр, ә икенче өлеше төрле кызыклы уеннар белән дәвам итте. Балалар уеннарда бик теләп катнаштылар, бүләкләр дә бик мулдан иде. Гомумән, кичә бик күңелле үтте.

  Кичә, I группа тәрбиячесе Г.Мухаметшина "Куянкайның туган көне" исеме астында җырлы-биюле туган көн кичәсе уздырды. Кичә яз һәм җәй айларында туган көннәрен үткәрүче балалар өчен булды. Кичә  күңелле уеннарга, җыр-биюләргә, котлауларга бай иде. 

        Бүген, республика һәм районыбыз авылларында Бөек Җиңүнең 67 еллыгына багышланган тантаналы митинглар узды. Такталачык авылы җирлегендә үткәрелгән митингта мәктәбебез укучылары да катнашты.

    Математика укытучысы Әхмәтова Рәмзия Шәех кызы, Г.Тукайның тууына 126 ел тулуга багышланган Татарстан Республикасы укытучылары һәм укучыларының "Илһам чишмәсе" исемле II республика әдәби иҗат бәйгесендә катнашып, I урынны алды. 5 нче май көнне  Казанда булган йомгаклау тантанасында катнашып, Татарстан Республикасы Мәгариф һәм фән министрлыгының  I дәрәҗә Дипломы белән бүләкләнде.

     27 нче апрель көнне Яр Чаллы шәһәрендә 67 нче һәм 68 нче номерлы коррекцион мәктәпләр базасында VIII төрдәге махсус (коррекцион) мәктәп укучыларының тегү һәм столяр хезмәте буенча республикакүләм һөнәри осталык бәйгесендә мәктәбебезнең IX класс укучылары Габдрахманов Зәйтүн  (укытучысы Мусина Г.З.)һәм Гибадуллин Илдар (укытучысы Шаймарданов Р.Ш.) катнашып уңышлы чыгыш ясадылар. Конкурста катнашучы 30 мәктәп укучылары арасында Габдрахманов Зәйтүннең  тегү хезмәте буенча эше гомуми нәтиҗәләр буенча IV урынга, столяр  хезмәте буенча Гибадуллин Илдарның эше  VI урынга лаек булды. Укучыларыбызны һәм укытучыларны уңышлары белән котлыйбыз, киләсе конкурсларда да уңышларга ирешүләрен телибез.

   Язның бер көне ел туйдыруын истә тотып, мәктәп яны тәҗрибә участогында кызу темплар белән  язгы бакча эшләре башланды.Яшелчә бакчасында кишер, кара орлык чәчелде, суган утыртылды. Мәктәп янында чәчәкләр утырту башланды.

       26 апрель  көнне I группа тәрбиячесе С.Г.Смирнова укучылар белән "Дуслык тәкыясе"  дигән кичә үткәрде. Бөек шагыйрь  Г.Тукайга багышланган бу чарада  төрле  милләт халыкларының киемнәрен кигән балалар  бөек шагыйрьнең шигырьләрен  рус, чуваш,  башкорт  телләрендә укыдылар, шул  милләтләрнең уеннарын уйнап күрсәттеләр. Болар барысы да халык көйләре белән үрелеп барды.Соңыннан балалар тәрбияче апалары белән берлектә "Су анасы" әкиятен пантомимо аша да күрсәттеләр. Кичә  "Туган тел"  җыры белән тәмамланды.

      23-28 апрель көннәрендә мәктәбебездә татар теле һәм әдәбияты атналыгына карата чаралар уза. Атналык дәвамында балаларга әдәби викторина, кызыклы грамматик биремнәр тәкъдим ителде. 26 апрель көнне Г.Тукай туган көнгә багышлап шигырь бәйгесе  узды. Балалар бөек шагыйрь Г.Тукайның һәм  башка күренекле татар шагыйрьләренең шигырьләрен башкардылар . Кечкенә һәм өлкән төркемнәрдә җиңүчеләр  билгеләнеп, бүләкләнде. Бәйге җырлар белән үрелеп бәйрәм рухында барды.

    Такталачык авылы мәдәният  йортында Г.Тукайның 126 еллыгына багышланган бәйрәм кичәсе үткәрелде. Кичәдә авылыбызның  мөслимәләре мөнәҗәт әйттеләр, үгет-нәсихәтләрен бирделәр. Кичә ахырында урта мәктәп  укучылары көче белән әзерләнгән Тукай әсәрләреннән торган әкият-тамаша күрсәтелде. Әлеге кичәдә  мәктәбебез укучылары да катнашты-Г.Тукай шигырьләрен яттан сөйләделәр.