Хөрмәтле хатын-кызларыбыз!

    Сезне Яз бәйрәме 8-март белән ихлас күңелдән котлыйбыз!
    Эшегездә яңадан-яңа уңышлар, үзегезгә тазалык-тынычлык, гаилә бәхете һәм көтелмәгән шатлыклар телибез! Күңелегезнең аяз күген беркайчан да кара болытлар капламасын. Һәр туар таң сезгә бетмәс-төкәнмәс сөенеч-куанычлар гына алып килсен. Гаиләләрегездә бик-бик бәхетле, кирәк һәм сөекле кешеләр булып яшәгез. Кайгы-хәсрәт сезне һәрчак читләтеп үтсен!
     Бәйрәмне шат күңел һәм күтәренке кәеф белән каршылагыз! Ел дәвамында шундый булып калыгыз! Бәйрәм белән Сезне!!!

     6  нчы март көнне мәктәбебездә үтеп киткән 23 февраль -Ватанны саклаучылар көне һәм якынлашып килүче 8 Март-Халыкара хатын-кызлар көне уңаеннан "Шаяннар һәм тапкырлар" бәйгесе оештырылды. Бәйгедә һәр группадан 1 егет һәм 1 кыз катнашты. Кызлар командасы "Йолдызлар", егетләр командасы "Батырлар" исеме астында  үзара 10 бәйгедә көч сынаштылар. Ахырда 1 очкога күбрәк балл җыеп, кызларның "Йолдызлар" командасы җиңү яулады. Укучыларыбызның киләсе бәйгеләрдә дә шулай актив катнашуларын телибез.

   Бүген район мәдәният йортында Халыкара хатын-кызлар көне   8 Март уңаеннан оештырылган "Кул эшләре 2012" бәйгесендә мәктәбебез коллективы җиңү яулады, мактау кәгазе һәм кыйммәтле бүләк белән бүләкләнде. Әлеге күргәзмәне оештыруга үз көчләрен куйган барлык педагогларыбызны ихлас котлыйбыз.

  27нче февральдән 3 нче мартка кадәр вакыт аралыгында мәктәбебездә математика атналыгы булып узды.  Атналык дәвамында математика дәфтәрләре күргәзмәсе оештырылды, аларның тотылышына урыннар чыгарылды; "Уйла, исәплә, тап!" исеме астында математик иртә үткәрелде; "Кызыклы математика" исеме астында стена газетасы чыгарылды; математика укытучысы Р.Ш.Ахметова 9нчы класс укучылары белән ачык дәрес үткәрде; атна  дәвамында фән буенча иң күп "5"ле алучылар билгеләнде; "Кызыклы математика" темасы буенча олимпиада үткәрелде һәм җиңүчеләр билгеләнде.

        2 март көнне, балаларның иҗади сәләтләрен үстерү; халкыбызның гореф - гадәтләренә хөрмәт тәрбияләү максатыннан, башлангыч сыйныф  укытучылары Ә.Г.Нәбиева, К.З.Ильясова, И.И.Шаехова, музыка укытучысы З.М.Гыйбадуллина  укучылары белән "Әбиемнең күңел сандыгы" исемле кичә үткәрделәр. .Кичә барышында укучылар татар халкының гореф-гадәтләре, йола-уеннары белән таныштырдылар, үзләренең һөнәрләрен күрсәттеләр. Бәйрәм-кичәдә барлык укучылар да теләп катнашты.

   25 нче февраль көнне мәктәбебездә ГТО нормаларын тапшыру оешкан төстә үтте.

      Мөслим районы Тойгелде VIII төрдәге махсус (коррекцион) интернат-мәктәбе кысаларында Россия Махсус Олимпиадасы программасы  буенча   үткәрелгән     VII Республика мини-футбол ярышының зона этабында мәктәбебез егет-кызлары II урынны яулап кайтты. Укучыларыбызны һәм тренерлары Н.А.Сибгатуллинны  призлы урынны яулаулары белән ихлас котлыйбыз.

        23 февраль-Ватанны саклаучылар көне уңаеннан  районның сәнгать мәктәбе оештырган рәсем һәм кул эшләре конкурсында мәктәбебез укучылары Чернов Алексей, Салимов Радик , Аминова Айгөл,    Гарданов Дилфас призлы урыннар яуладылар һәм мактау кәгазьләре, дипломнар белән бүләкләнделәр. Конкурста катнашучы калган укучыларһәм мәктәп дирекциясенә рәхмәт хаты тапшырылды. Җиңүчеләребезне  ихлас котлыйбыз.

           21 февраль-халыкара туган тел көнен билгеләп үтү уңаеннан мәктәбебездә бәйрәм иртәсе узды.Татар теле укытучысы З.М.Гыйбадуллина балаларны бәйрәм тарихы, татар теленең халыкара телләр арасында тоткан урыны белән таныштырды. Укучылар Туган телебезне хөрмәтләп шигырләр сөйләделәр, туган телебезнең бай  әдәби мирасы тупланган китаплар күргәзмәсе белән таныштылар. Балаларда ана телебезгә карата  мәхәббәт, аның әдәбиятына карата кызыксыну  тәрбияләү максатыннан бәйге игълан ителде. бу бәйгегә йомгак апрель аенда узачак татар теле атналыгында ясалачак.

    В период с 13 по 18 февраля  в школе прошла "Неделя русского языка и литературы".В рамках недели были проведены следующие мероприятия: конкурс рисунков "По страницам прочитанных произведений", конкурс знатоков русского языка "Аукцион знаний", конкурсный диктант на самого грамотного, и вечер "В мире сказок".  Все учащиеся приняли активное участие во всех мероприятих.
.