Муниципальное бюджетное общеобразовательное учреждение «Поисевская средняя общеобразовательная школа» Актанышского района Республики Татарстан/Татарстан Республикасы Актаныш муниципаль районы "Пучы урта гомуми белем бирү мәктәбе" гомуми белем бирү муниципаль бюджет учреждениясе
Визитная карточка
Адрес: | 423730, РФ, Республика Татарстан, Актанышский район, с.Поисево, ул. Красноармейская, д. 12 |
Телефон: | +7(855)-525-12-32/ 5-12-34 |
E-Mail: | Spo.Akt@tatar.ru |
Министерство: | Министерство образования и науки Республики Татарстан |
Короткое название: | МБОУ "Поисевская СОШ" |
Руководитель: | Шайхутдинова Алсу Рашитовна |
Год основания учреждения: | 1937 |
У нас учатся: | 230учащихся |
У нас учат: | 23 педагогов Язык обучения: татарский |
Муниципальное бюджетное общеобразовательное учреждение «Поисевская средняя общеобразовательная школа» Актанышского района Республики Татарстан/Татарстан Республикасы Актаныш муниципаль районы "Пучы урта гомуми белем бирү мәктәбе" гомуми белем бирү муниципаль бюджет учреждениясе - новости
Страницы: ( 1 ) 2 3 4 5 6 7 8 9 10 >>
-
Наш госпаблик 31.05.2024
Присоединяемся к сообществу МБОУ "Поисевская СОШ" vk по ссылке: https://vk.com/public216919060
-
«Соңгы кыңгырау» бәйрәме 25.05.2024
Бүген мәктәпләрдә «Соңгы кыңгырау» бәйрәме узды. Быел безнең мәктәптә ул 28 укучы өчен яңгырады. Алда укучыларга имтиханнарда уңышлар теләп калабыз!
Дәшә серле юллар,
Башта төрле уйлар,
Яшь йөрәктә кайный мең сорау.
Якты юллар теләп,
Матурлыкка өндәп,
Саубуллаша көмеш кыңгырау.
-
«Көмеш кыңгырау» газетасында укучылар иҗаты 15.05.2024
Республикакүләм "Көмеш кыңгырау" газетасының 11 май санында Пучы урта мәктәбе 8нче сыйныф укучылары Альбина Сәлахова, Зәмирә Дәүләтова, Исламия Галиахметова, Эльвира Вәгыйзова,Лилия Кашаповаларның (укытучылары Муллагалиева Г.К.) "Батырлар даны- мәңгелек" исеме астында иҗат эшләре басылып чыкты.
-
«Актаныш таңнары» газетасында язма 14.05.2024
«Актаныш таннары» газетасының 8 май санында мәктәпнең татар теле һәм әдәбияты укытучысы Г.К. Муллагалиеваның «Сынауларга бирешмәүче тыл ветераны» дип аталган язмасы басылып чыкты.
-
Китапханәдә күргәзмә 13.05.2024
Мәктәп китапханәсендә Нур Баянның тууына 119ел тулу уңаеннан "Онытылмас яшьлек" исеме астында китап күргәзмәсе эшли. Рәхим итегез!
Баянов Нур Галим улы (1905–1945) – күренекле татар шагыйре. Татарстанның Актаныш районы Әнәк авылында туа. Казанның хәрби мәктәбен тәмамлагач, журналистика белән шөгыльләнә һәм шигырьләр яза башлый. Аның шигъри әсәрләрендә Ватанының киләчәге өчен кайгырганлыгы сизелеп тора. Бөек Ватан сугышы башлангач, Нур Баян беренчеләрдән булып фронтка китә.
Ул полк партия оешмасының сәркәтибе, дивизия газетасы редакторы һәм, ниһаять, полк командирының сәяси эшләр буенча урынбасары сыйфатында фронтның алгы сызыгында хезмәт итә, сугыш кырында күрсәткән батырлыклары өчен I дәрәҗә Ватан сугышы, Кызыл Йолдыз орденнары белән бүләкләнә. Сугыш шартларында да Нур Баян әдәби иҗат эшен туктатмый, ватандарлык хисләре белән сугарылган шигырьләрен яза («Өч бөркет» җыентыгы, 1942), поэма һәм либретто язуын дәвам итә. Ләкин Җиңү көненә нибары унбиш көн кала, 1945 елның 23 апрелендә, Австрияне азат итү өчен барган соңгы сугышларның берсендә подполковник, шагыйрь Нур Баян дошман пулясыннан һәлак була.
-
Укучыларыбыз иҗаты 13.05.2024
«Актаныш таннары» газетасының 8 май санында Пучы мәктәбе 8нче сыйныф укучыларының (укытучылары Гөлназ Муллагалиева) язмалары урын алды.
-
#МойГеройМояСемья акциясе 09.05.2024
Пучы урта мәктәбенең 8нче сыйныф укучысы Кашапова Лилия (Җитәкчесе Муллагалиева Г.К.) #МойГеройМояСемья акциясенә кушыла.
Сугыш... Кыска гына сүз, ә мәгънәсе бик тирән һәм куркыныч. Күпме ачы күз яшен, кайгы-хәсрәтләрне үз эченә алган нинди авыр, шомлы сүз бу! Кемнәрнең язмышына кагылмаган гына, кемнәрнең башларына кайгы, күз яше, хәсрәт китермәгән ул. Сугыш ничә миллион кешенең гомерен өзгән, күпме балаларны ятим иткән, аналарны тол калдырган. Сугыш сүзен ишетүгә үк күз алдында янып каралган иген басулары, ятим калган сабыйлар, газиз ирләрен, сөекле балаларын югалткан аналар килеп баса.
Әтиемнең бабасы — Кашапов Әнвәр Кашап улы 1906 елда Усы авылында, гади крестьян гаиләсендә туып үсә. Үсеп җиткәч, шушы авылның Гыйләҗетдин кызы Гөлҗамал белән тормыш коралар. Сугышка кадәр ике кызлары туа. Алар колхозда эшлиләр. 1941 елда сугыш башлангач, Әнвәр бабамны сугышка алалар. Ул каты сугышларда катнашып, Курский дугасындагы сугышта каты яраланып, госпитальдә дәвалана. 1943 елда кире авылга кайта. Ул икенче группа сугыш инвалиды була. Сугыштан кайткач, тагын бер кызлары туа. Әби кыр эшләрендә эшли, бабам дәүләткә ат белән икмәк, йомырка ташый. 1950 елда уллары — минем бабам туа. 1972 елда әтием туганда бабам инде пенсиядә була. Ул әтиемне кечкенәдән үк эшкә өйрәтә. 1987 елда Усы авылында вафат була.
Хәзерге көндә дә куркыныч сугышлар бара. Безне саклаган солдатларыбызны без хөрмәт итергә тиешбез. Чөнки илебезне саклау һәрбер кеше өчен изге бурыч булып тора. -
#МойГеройМояСемья акциясе 08.05.2024
Пучы урта гомуми белем биру мәктәбенең 5нче Б классы укучысы Шәйхетдинов Сәид ( Җитәкчесе Шәрипова Г.Ә.) #МойГеройМояСемья акциясендә катнаша.
-
Митинг 08.05.2024
Бүген мәктәп укучылары Бөек Җиңүнең 79 еллыгына багышлап җирлектә оештырылган митингта катнаштылар.
Җиңү көне
Батыр солдат булып таш һәйкәлләр
Баскан бүген мәйдан түренә.
Җиңү көне килеп җиткән саен,
Күпме күз яшьләре түгелә.
Җиңү көне җиңел килмәде ул,
Ятып калды илнең уллары.
Алар хөрмәтенә байракларны
Күтәрәбез бүген югары.
Йөзләр, меңнәр, миллионнар булып,
Утка кергән Ватан солдаты.
Исемнәре җырга әйләнгән бит
Җиңү алып кайткан солдатның.
Ветераннар сафын барлый яшьләр,
Алмаш килә илне яратып.
Җиңү көнен каршы алабыз без,
Җиңү маршын горур яңгыратып
Гөлнур АЙЗАТ -
"Мәңгелек хәтер" 08.05.2024
9 класс укучылары белән Г.К. Муллагалиева "Мәңгелек хәтер" темасына класс сәгате үткәрде.