Актанышыбызның "Бүләк" чаңгы трассасында Татарстан Республикасы Мәгариф һәм фән министры Э.Н.Фаттахов призына үткән чаңгы ярышларында коллективыбыз кызлары сынатмады.

23 февраль - Ватанны саклаучылар көне балалар бакчаларында "Әтиләр бәйрәме" буларак билгеләп үтелә. Шул уңайдан төркемнәрдә "Менә минем әти!", "Минем әти иң шәбе", "Минем әтием  - солдат" темаларына фотокүргәзмәләр оештырылды.

Халыкара Туган тел көнендә бакчабызда төрле тематик чаралар үткәрелде. Кечкенәләр туган тел турында табышмаклар әйтештеләр, шигырьләр сөйләделләр. Зурлар һәм мәктәпкә әзерлек төркеме балалары викторина үткәреп, туган тел турында күзаллауларын үстерделәр. Күңел ачу Г.Тукайның "Туган тел" җырын җырлау белән тәмамланды.

Бүген балалар бакчасында "Ел тәрбиячесе-2017" бәйгесенең зона этабы үтте. Район турында призлы урыннар яулаган тәрбиячеләр белән бергә Сарман, Минзәлә, Мөслим районнарының иң көчле тәрбиячеләре көч сынашты.

Бүген "Йолдызлык" конкурсының район этабына нәтиҗәләр чыгарылды. Безнең балалар бакчасы район бакчалары арасында җиңү яулады. Балаларыбызны, тәрбиячеләрне  җиңүләре белән чын күңелдән котлыйбыз! Киләчәктә тагы да югарырак үрләр яуларга язсын!

Бөтенрәсәй күләм үткәрелүче "Россия чаңгы юллары - 2017" чарасында безнең бакча коллективы да актив катнашты.

Бүген бакчабызда "Йолдызлык - 2017" бәйгесенең район этабына сайлап алу туры үтте. Балаларыбызның җырлары, биюләре һәм оста итеп сөйләүләре жюри тарафыннан югары бәяләнде. Нәни йодызчыкларыбызга алдагы чыгышларында да уңышлар телибез.

Бүген "Ел тәрбиячесе - 2017" конкурсының район туры үтте. Бакчабызның беренче категорияле тәрбиячесе Салахова Эльвира Бәһрәм кызы уңышлы гына чыгыш ясап,  "Эзләнүчән тәрбияче" номинациясендә җиңү яулады.

Бакчабызда Татарстан Республикасының беренче президенты Минтимер Шәриповичны хөрмәтләп зур вакыйга узды. Балалар үз куллары белән аның яраткан ризыгы - тары кыстыбые пешерделәр. Башта пешекче апаларның эчтәлекле итеп татар халкының милли ризыклары турында сөйләгәнен тыңладылар. Шуннан соң гына тары кыстыбые пешерү серләренә төшенделәр. Кечкенә бармаклары белән камыр җәеп карау, киптерү, эчлеген салып кысу, кыстыбыйны майлау мизгелләрендә балалар үзләрен бик җитди тоттылар. Аларда үз хезмәтләренең нәтиҗәсен күреп. горурлану хисе уянды. Пешекчеләр белән саубуллашканда балаларның күзләрендә уйнаган шатлык нуры шул турыда сөйли иде.

Бүген бакчабызда "Ел тәрбиячесе -2017" конкурсы булып үтте. Тәрбиячеләребез белем бирү эшчәнлекләре күрсәттеләр, методик темаларын ачып презентация якладылар. Беренче урынны Салахова Эльвира Бәһрәм кызы яулады. Аңа конкурсның алдагы этапларында да уңышлар насыйп булсын!!!