Безнең бакчада бүген "Йолдызлык" республикакүләм бәйгенең 1 нче туры узды. Кечкенә йолдызчыкларыбыз үзләренең талантларын килгән жюри әгъзаларына күрсәтеп уңышлы гына чыгыш ясадылар.

Бүген, 2 нче балалар бакчасы базасы кысаларында "Иң яхшы мастер-класс" район бәйгесе үткәрелде. Безнең бакчабыз данын яклап, тәрбияче Аглямова Миләүшә Васил кызы катнашты. Үзенең "Сихри лампа" дип исемләнгән мастер-классын күрсәтеп 3 урын яулады. Афәрин, котлыйбыз! Киләчәктә дә уңышлар теләп калабыз

Бүген 6 нчы балалар бакчасы базасында "Ел тәрбиячесе-2018" бәйгесенең район турының икенче көне узды. Безнең балалар бакчасыннан Газизова Элвира Дилшат кызы катнашып, "Иң креатив тәрбияче" исеменә лаек дип табылды. Котлыйбыз! Киләчәктә яңа уңышларга ирешүегезне теләп калабыз.

2017 нче елда югары күрсәткечләргә ирешкән район үзәге балалар бакчалары арасындагы бәйгедә 3 нче урын яулаган безнең балалар бакчасын чын күңелдән тәбрик итәбез. Киләчәктә тагын да югары үрләргә ирешергә язсын, хөрмәтле хезмәттәшләр.

Актаныш муниципаль районы оешма-предприятиеләр арасында уздырылган Кыш бабайлар команда ярышында безнең балалар бакчасы коллективы командасы 4 нче урын яулады. Афәрин! 

Җир йөзенә Яңа еллар килә
Акка төреп сихри дөньяны.
Үткәннәре калсын үткәннәрдә,
Өмет белән каршылыйк яңаны.

Яңа елга зур өметләр баглыйк,
Барыбер аны безгә үтәсе.
Шатланышыйк, уйныйк, бәхет юрыйк
Сикереп үтик язмыш киртәсен.

Балалар бакчасында Яңа елга багышланган бәйрәм иртәләре бик күңелле үтте. Балалар Кыш бабай һәм Кар кызына үзләренең матур шигырьләрен сөйләделәр, җыр-биюләре белән шатландырдылар. Кунакка килгән урман җәнлекләре дә балалар белән бергә уеннарда катнаштылар, күңел ачтылар.  

Безнең балалар бакчасы район бакчалары өчен нәфис-нафәсәти үсеш буенча консультатив пункт буларак әлеге юнәлешкә аерым басым ясый. Бүген безгә кунак булып Актаныш районының "Катнаш төрдәге 6 нчы санлы балалар бакчасы"ннан музыка җитәкчесе Гыйлфанова Айзилә Айнур кызы белән өлкән тәрбияче Хаернасова Венера Музафар кызы килделәр. 

Көзге байлык! Көзге муллык!

Авылда каз өмәсе

Яше карты, бала-чага-

Шау-гөр килә һәммәсе!

Бакчабызда бүген каз өмәсе гөрләп узды. 

Бүген безнең балалар бакчасы тәрбиячеләре ут күршеләр булып торган Мөслим районында семинарда булып кайттылар. "Особенности организации образовательной деятельности и культурных практик как условие достижения качества дошкольного образования в соответствии с ФГОС ДО" исемле әлеге семинарда уздырылган "Краеведение в детском саду" дидактик уеннар бәйгесендә дә актив катнашып сертификат белән кайттылар.