Марданова Айгөл Дамир кызы
"Без театр уйныйбыз ..."
Соңгы елларда халкыбызның рухи дөньясына, мәдәниятенә, татар телен үстерүгә игьтибар артты. Театр - балаларны сихри дөньяга алып керә, иҗади фикерләү сәләтен үстерә. Шулай ук сөйләм телен үстерүдә, актерлык осталыгына өйрәтүдә, кыюлык сыйфатларын тәрбияләүдә ярдәм итә. Безнең балалар бакчасында бу юнәлештә күптөрле эшләр башкарыла. Районкүләм "Да здравствует театр" бәйгесендә мәктәпкә әзерлек төркеме балалары белән Нәфидә Хакимованың "Әни була бер генә" театрын сәхнәләштердек. Театрның эчтәлеге, балаларның актерлык осталыгы жюри әгъзаларын битараф калдырмады - III урын яуладык! Афәрин!!!

Февраль ае төрледән-төрле бәйгеләргә бай булды: “Йолдызлык-2018”, “Яшел ут!”, “Кубок Надежды” шахмат турниры һ.б. Аларның барысында да бакчабыз нәниләре һәм тәрбиячеләре уңышлы катнашып килделәр. Шулар арасында “Дорога без опасности” иҗади бәйгесен дә читтә калдырып булмый. Әлеге республикакүләм бәйгесенең район этабында безнең бакчадан мәктәпкә әзерлек төркеме кызы Арсланова Мәрьям “Маршрутный лист” номинациясендә I урынга ия булды. Җитәкчесе Марданова Айгөл Дамир кызы.

Шарапова Фәрсия Фәһим кызы:

Бакчабызда "Туган телем - иркә гөлем" атналыгы кысаларында "Халыкара туган тел көне" билгеләп үтелде. Әлеге көннең ни өчен кирәклеге һәм барлыкка килү тарихы хакында сөйләп китте. Бәйрәмнең икенче өлешендә "Иң оста шигырь сөйләүче" конкурсы  уздырылы. Балалар туган телебездә татар шагыйрьләренең шигырьләрен яттан сөйләделәр, сәхнәләштереп күрсәттеләр. Бәйрәм Габдулла Тукайның "Туган тел" җыры белән төгәлләнде.

Шарапова Фәрсия Фәһим кызы:

   Бакчабызның иң кечкенәләре дә әтиләрен бәйрәм белән үзләренчә кызыклы итеп, тәрбияче апалары ярдәмендә, әтиләре белән төшкән фотолардан котлау стенды ясап тәбрик иттеләр. Балаларының тапшырган фото-открыткалар әтиләрнең күңеленә бигрәк тә хуш килде.

Халилова Айназ Айдаш кызы:

Хөрмәтле ата-аналар! Безнең бакчабызда 23 февраль, 8 март бәйрәмнәре уңаеннан бәйрәм иртәләре уздырылачак.

21 февраль- мәктәпкә әзерлек төркеме 16.00

1 март- зурлар Б төркеме 16.00

2 март- зурлар В төркеме 16.00

5 март- уртанчылар төркеме 16.00

6 март- 2 кечкенәләр төркеме 9.30

7 март- кечкенәләр төркеме 9.30

Барыгызны да бәйрәмдә көтеп калабыз!

Мәзнәвиева Миләүшә Роберт кызы:

Безнең балалар бакчасының зулар "Б" һәм зурлар "В"  төркеме балалары, тәрбияче апалары белән полиция бүлегенә экскурсиягә бардылар. Анда аларны яшүсмерләр белән эшләүче Нурия апалары каршы алды. Хезмәткәрләрнең нинди эш башкарулары белән таныштырды. Ә соңыннан экскурсиябезне полиция хезмәткәрләре музеенда дәвам иттек. Безне анда отставкада булган майор - Вахитов Васил Гапделхак улы каршы алды. Ул балаларга музейда сакланган истәлекләр турында бик кызыклы итеп мәгълумат бирде, форма, фотографияләр күрсәтте. Балалар өчен бик кызыклы һәм үзенчәлекле әлеге экскурсияне оештырганнары өчен полиция хезмәткәрләренә рәхмәт әйтеп, без бакчабызга кайтып киттек. 

Халилова Айназ Айдаш кызы:

Бакчабыз балалары район мәдәният йортында үткәрелгән "Созвездие-Йолдызлык-2018" фестиваленең район этабында катнашып 2 нче дәрәҗә лауреат исемен алдылар. Котлыйбыз! Киләчәктә дә зур уңышар телибез!

Солтанова Ләлә Илфар кызы:

14 февраль -" Изге Вәли" көнне, балалар белән иң якын кешеләре - әти-әниләренә бүләк әзерләдек. Оригами ысулы белән йөрәк ясадык аларга. Безнең бүләкләр хөрмәтле әти-әниләребезнең йөрәкләрен җылыткандыр дип уйлыйбыз. 

Марданова АйгөлДамир кызы:

11 февраль көнне 2010 нчы елга кадәрле туган балалар арасында "Кубок Надежды" районкүләм шахмат турниры булып узды. Бу бәйгедә безнең мәктәпкә әзерлек төркеме балалары да уңышлы чыгыш ясадылар һәм грамота, медаль белән бүләкләнделәр.

Арысланов Әмир - I урын

Шарипов Раяз - II урын

Аларга алдагы бәйгеләрдә дә уңышлар телибез! Афәрин, малайлар!