Тарихтан укып кына белә идек мондый хатларны! Фронт хатлары. Сугыш елларында күпме язылган һәм җибәрелгән алар! Орудиеләр үкергәндә яисә кыска гына тынлык вакытларында солдатлар язган, вакыт үтү белән уңып һәм саргаеп беткән кыр почтасы штемпельләре белән килгән хатлар. 1941-1945 елгы хатлар. Ниндидер бер тарихи романнан яисә кинофильмнан гына кебек тоела иде күңелгә алар.
ҺӘМ БҮГЕНГЕ КӨН
...Инде менә башка эчтәлектәге хатлар. 2022 нче елның өчпочмаклы хатлары. Укучыларыбыздан яугирләргә язылган хатлар. Тыныч тормыштан, хәрби хәрәкәтләрдә булучы абыйларга, әтиләргә, туганнарга – солдат абыйга атап язылган хатлар. Гимназиябезнең 7А сыйныфы укучылары язган хатлар, рәсемнәр дә бүген-иртәгә “юлга кузгала”. Күңел түрендә, куен кесәсендә урын ала торган хатлар...

9Б сыйныфы укучылары туплаган хәйрия ярдәме - өлкәннәребезгә ярдәм акциясе.

7В сыйныфы укучылары да өлкәннәребезгә ярдәм күрсәтү акциясенә кушылды.

Укучыларыбыз Пучы ветераннар йортында тәрбияләнүче өлкәннәр янына барырга әзерләнә. Һәр класс, әти-әниләре белән берлектә, күчтәнәчләр әзерли. Әлеге җылы бүләкләрне 5А сыйныфы укучылары туплаган.

"Хөрмәтле  укытучылар һәм тәрбиячеләр!
Сезне ихлас күңелдән һөнәри бәйрәмебез – Халыкара укытучылар көне белән тәбрик итәм һәм рәхмәт сүзләремне җиткерәм!

Узган уку елында үзенең күркәм юбилеен каршы алган хезмәттәшебез - сәләтле балалар өчен гуманитар гимназия-интернатның математика укытучысы Хаҗиева Рәмилә Әдип кызы районкүләм Укытучылар көнендә хөрмәтләнде. Котлыйбыз!

Бөтенроссия “Ел укытучысы - 2022” муниципаль һәм зона этапларында җиңүче, Бөтенроссия “Ел укытучысы” бәйгесенең республика этабында “Иң камил сүз остасы” номинациясе җиңүчесе, республика “Алгарыш” гранты җиңүчесе, хезмәттәшебез - сәләтле балалар өчен гуманитар гимназия-интернатның инглиз теле укытучысы Ганиева Фәйрүзә Филарис кызы (Хәзерге вакытта Фәйрүзә Филарисовна “Алгарыш” гранты буенча Төркиядә стажировка үтә) “Ел укытучысы – 2022” бәйгесенең кубогы белән бүләкләнде.

Бөтенроссия “Ел укытучысы” бәйгесенең “Педагогик дебют” номинациясендә муниципаль, зона этаплары җиңүчесе, республика этабында катнашучы хезмәттәшебез - сәләтле балалар өчен гуманитар гимназия-интернатының география укытучысы Мусина Рузилә Айдар кызы Актаныш район башлыгының Рәхмәт хаты белән бүләкләнде.

Республика “Алгарыш” гранты җиңүчесе, хезмәттәшебез - сәләтле балалар өчен гуманитар гимназия-интернатының тарих һәм җәмгыять белеме укытучысы Хасанов Рамис Илгиз улы Актаныш районы башлыгының Рәхмәт хаты белән бүләкләнде.

Хезмәттәшебез - сәләтле балалар өчен гуманитар гимназия-интернатының башлангыч сыйныф укытучысы Муллаярова Сөмәя Тәлгать кызы Татарстан Республикасының “Мәгарифтәге казанышлары өчен” күкрәк билгесе белән бүләкләнде.