Чаңгы спорты буенча ГТО нормативларын гимназия-интернат коллективы 24 нче гыйнвар көнне "Нөркә" чаңгы трассасында тапшырачак. Соңыннан коллектив белән ашханәдә чәй эчү планлаштырыла.

Кичә гимназиядә "ТНВ - Яңа гасыр" журналисты Рәмис Латыйпов булып китте. Ул гимназия-интернат укучыларыннан интервьюлар алды. Гимназиянең төп максаты - татар милләтенең зыялыларын, үзмөстәкыйль фикер йөртә, аны башкаларга җиткерә белүче, үз халкының тарихын, гореф-гадәтләрен, мәдәниятен тирәнтен белгән шәхесләр үстерү. Гимназиядә укуларыннан бик канәгать булып яши укучылар. Алар бу фикерне журналистларга  да җиткерделәр. Сюжетны "7 дней" тапшыруында карарга мөмкин булачак.

Иртәгә, ягъни 13 нче декабрь көнне, гимназиядә сәгать 6 да ата-ана узачак. Каралачак мәсьәләләр: уку-тәрбия, методик эш буенча I нче яртыеллык нәтиҗәләре, БДИ/БРИга әзерлек. Рәхим итегез!

Кышкы каникуллар вакытында традиция буенча район башлыгы Энгель Нәвап улы чыршы бәйрәменә районның алдынгы укучыларын чакырды. Бәйрәмдә гимназиядән Абдуллина Айсылу, Валькова Алена, Гыйльфанова Лилия, Нуриева Гүзәл, Солтанова Ләйсән, Шагзамова Алинә, Шәйхуллин Илнар, Йосыпов Илгизәр катнаштылар. Укучылар очрашуны бик ошатып кайттылар.

Кичә районда мәгариф хезмәткәрләренең спартакиадасы булып узды. Безнең команда III урынга лаек булды.

Призерлар:

- чаңгы (Сибгатуллин Р.Т., Әюпова Л.Р.) - 3 урын,

- армспорт (Сабирзянова Э.А.) - 3 урын,

- гер күтәрү (Сибгатуллин Р.Т.) - 1 урын,

- гәүдәне күтәрү (Харрасова А.Р.) - 3 урын,

- шорт-трек (Гарипова Р.И.) - 1 урын,

- шахмат (Абдуллина М.М., Шәвәлиев Л.З.) - 3 урын,

- аркан тарту (Сибгатуллин Р.Т., Бакиров Р.Ф., Гарипов Р.М., Нәбиев И.Ф, Гафуров А.Ф) - 1 урын. Афәрин!!!

31 декабрь көнне район үзәгендә оешмалар арасында уздыралган "Аҗдаһа елы туачак, эссе салып торачак, бәндәләргә дә яшәргә өч баш кирәк булачак" театральләштерелгән тамашалар бәйгесендә гимназия-интернат коллективы өченче урынга лаек булды.

И, Яңа ел, балкып кил син, шатлык белән генә кил:

Әтиләр дә, әниләр дә, бабайлар да, әбиләр дә,

Апалар да, абыйлар да, һәм, әлбәттә, сабыйлар да -

Сөенсеннәр гелән-гел! Хуш киләсең, Яңа ел!

Укучыларның кышкы каникуллары 30 нчы декабрьдән 9 нчы гыйнварга кадәр дәвам итәчәк. Каникул вакытында укучылар өчен район үзәгендә дә, мәктәптә дә бик күп чаралар каралган. Күңелле яллар!

Кышкы каникул вакытында чыгарылыш сыйныф укучыларын бик тә җаваплы эшләр көтә. 11 нче сыйныфлар 4 нче гыйнвар көнне рус теленнән, 6 сы математикадан БДИ, 9 лар 9 нчы гыйнварда рус теленнән яңа формада имтихан тапшырып караячаклар.

Бүген 9 сыйныф укучылары рус теле фәненнән яңа формада имтихан тапшырып карыйлар. Имтихан 4 сәгать дәвам итәчәк. Башлана 8 сәгатьтә. Үткәрү урыны - 27 нче кабинет. Җаваплы Диләрә Фирдинант кызы.