5-6 класслар арасында узган республикакүләм математика олимпиадасының район турында 5 класстан Насртдинова Гөлшат һәм 6 класстан Әюпов Марсель 3 урынга, шул ук класстан Фаррахова Инзилә 4 урынга лаек булдылар (укытучылары Рәмилә Әдип кызы Хаҗиева). Марсель белән Инзилә Яр Чаллы шәһәрендә узачак зона этабында район данын якларга әзерләнәләр. Аларга уңышлар телик.

8 - 9 февраль көннәрендә Сабада II республикакүләм кышкы спартакиада кысаларында хоккей ярышлары үтте. Актаныш кызлар хоккей командасы составында  Уйнаучы безнең гимназия укучылары Инзилә Фаррахова, Резеда Мингазова, Сөмбел Мөхәметдиновалар 1 урын  яуладылар. Аларны бу уңышлары белән котлыйбыз!

Мансур Мозаффаровның тууына 110 ел тулуга багышланган “Дулкыннар” район бәйгесендә гимназия укучылары уңышлы чыгыш ясап кайттылар. Җыр номинациясендә 7 класс укучылары Искәндәр Шарапов,  Ислам Кәлимуллин 2 урын, нәфис сүз номинациясендә 8а класс укучысы Илсинә Тимерова 1 урын, 11 класс укучысы Зөфәр Нуртдиновларны 3 урын алулары белән котлыйбыз!
 

"Универсиада дәресе" республикакүләм конкурс кысаларында кичә гимназиядә башлангыч класслар арасында "Күңелле стартлар" үтте. Җиңүчеләр дип 3 һәм 4 класслар табылды.

17 февраль көнне гимназия базасында "Ел укытучысы - 2012" конкурсы район этабының 2 туры узачак. Конкурста гимназия, Актаныш 1 нче, Актаныш 2нче, Яңа Әлем, Кадет, Богады, Меңнәр мәктәпләре укытучылары катнашачак.

2012/13 нче уку елында Татарстан мәктәпләре тулысынча электрон журнал белән эшләүгә күчәчәк. ТР Мәгариф һәм фән министрлыгының приказы белән министрлыкның сайтында танышырга була. Тулырак...

12 февраль көнне бөтенрәсәй "Чаңгы юлы - 2012" көне буларак билгеле. Бу көнне Рәсәйнең барлык чаңгы сөючеләре шушы ярышта катнышыр дип көтелә. Гимназия коллективы да тулы составта чаңгы шуарга чыгачак.

Үткән атнада Казан шәһәрендә технология фәне буенча бөтенрәсәй олимпиадасының региональ туры үткәрелде. Районыбыз данын анда гимназия укучысы Шәйхуллин Илнар яклады. Ул үзенең проектын (фотода) уңышлы яклап, җиңүчеләр арасына керде. Илнар белән аның укытучысы Ришат Тимершаехович мактау грамотасы белән бүләкләнделәр. Илнарга уңышлар теләп калабыз.

6 февраль көнне гимназиябездә Күзәтчелек советының I утырышы узды. Анда ТР фән һәм мәгариф министрының беренче урынбасары Д.М.Мостафин, КФУның филология һәм сәнгать институты ректоры Р.Р.Җамалетдинов, Бөтендөнья татар конгрессы Башкарма комитеты җитәкчесе урынбасары И.И.Шәрипов, Татарстан Республикасы язучылар Берлеге рәисе И.М.Ибраһимов, “Яр-Чаллы социаль-педагогик технологияләр һәм ресурслар институты” ректоры Ф.З.Мостафина, Яр-Чаллы шәһәренең 36 нчы “Золотая горка” гимназиясе директоры Ф.М.Ивлева, Актаныш муниципаль район башлыгы Э.Н.Фәттахов, Актаныш “Сәләтле балалар өчен гуманитар гимназия-интернат”ының ата-аналар комитеты әгъзасы, гимназия укытучылары катнашты.

9 класс укучысы Шәвәлиева Гүзәл Казанда узган татар теле буенча республикакүләм олимпиадада 1 урын яулады. Мәктәп коллективы Гүзәлне һәм аның укытучысы Ләйсән Галиәкбәр кызын зур җиңүләре белән котлый һәм рәхмәт белдерә. Гүзәлнең алдагы елларда да шундый җиңүләр яулавын телибез.