Кирам Сатиев исемендәге гармунчылар бәйгесендә уңышлы чыгыш ясап 7 нче класс укучысы Хөсәенов Газиз диплом белән бүләкләнде.

"Сандугач сайрар илем" XV балалар иҗатының төбәк фестивалендә укучыларыбыз уңышлы гына чыгыш ясап кайттылар. 13-15 яшьлекләр арасында  "Вокал" номинациясендә Шарапов Искәндәр II дәрәҗә диплом белән бүләкләнде. Шул ук номинациядә Кәлимуллин Ислам диплом белән бүләкләнде. Афәрин, егетләр!

Кичә гимназиядә студентлар белән очрашу узды. Җырлар-биюләр, төрле ярыш-конкурслар белән үрелеп барган кичә бар катнашучыларга ошаган дип уйлыйбыз.

Тиздән "Ел укытучысы - 2012" республикакүләм конкурсның район туры узачак. Конкурсантларга уңышлар телик.

Кадерле укучылар, "КИО - 2012" (Конструируй, исследуй, оптимизируй) конкурсында катнашырга ашыгыгыз.

Тулырак конкурс сайтында - http://ipo.spb.ru/kio/

28 нче гыйнварда гимназиябезнең укытучылары һәм укучылар үзидәрәсе Яр Чаллы шәһәренең “В.В. Давыдов исемендәге гимназия”гә очрашуга бардылар. Гимназиядә  заманча җиһазланган класслар, укучыларны тарих битләре буйлап сәяхәт иттерүче музей  бар.  Ишектән килеп керүгә үк гаиләдәге кебек  җылы караш, ягымлы сүзләр, серле һәм тылсымлы укучылар дөньясы  тартып тора.  Укучылар бу эшлекле очрашуда төркемнәргә бүленеп проектлар  эшләделәр, алар буенча чыгыш ясадылар. Бу проектларны 2012 елда гамәлгә ашыруны планнаштырып, бүгенге көндә  “Ялкын” балалар оешмасында эш башланып китте. Бу очрашу укучыларга, укытучыларга бик күп мәгълүмат, рухи байлык бирде. “В.В. Давыдов исемендәге гимназия”дә көр күңелле укытучылар, шәхесләр фидакарь хезмәт куя. Аларның укучыларга милли тәрбия бирүдәге күркәм эшләре  сокланырлык, үрнәк итеп куярлык. Бу гимназия – чын – чынлап балачакның гүзәл почмагы.  Гимназия – интернат укучылары  “В.В. Давыдов исемендәге гимназия” укучылары белән бу көнне ныклы дуслык җепләре сузып кайтты.

27 нче гыйнвар - гимназияда "Бердәмлек көне" итеп игълан  ителде. 7 – 8 нче сыйныф укучылары класс җитәкчеләре, тәрбиячеләр белән берлектә кышкы ярыш-уеннар  үткәрделәр – тау алышлы уены, чанада, чаңгыда шуулар  - укучылар  өчен иң истәлекле вакыйгаларның берсе булып калды.

28 нче гыйнварда районкүләм  “Ил саклаучылар көне”нә  багышланган гер спорты буенча район беренчелегендә гимназия – интернат  җыелма командасы 2 урынга лаек булды. Шәхси беренчелеккә килгәндә: 11нче класс укучылары Зәйнуллин Айнур  - 1 нче урын, Шәйхуллин Илнар – 2 нче, Шайхеразиев  Айнур – 3 нче, 6 класс  укучылары  Салихов Илназ – 3нче, Халафутдинов Айгиз  - 2 нче урыннар яуладылар. Афәрин, егетләр!

 

25 нче гыйнварда Лениногорск шәһәрендә үткәрелгән  табигать фәннәре циклы укытучыларының зона семинары узды. Бу семинарда гимназиянең биология укытучысы Алсу  Риф  кызы Вәлиева катнашты. Семинарда катнашучы укытучыларның дәрес эшкәртмәләреннән  электрон методик җыентык  чыгарылды.

27 нче гыйнварда  Яр Чаллыда уздырылган 4 нче республикакүләм Б.Р.Рубаненко исемендәге архитектура - дизайн олимпиадасында 10нчы класс укучылары Исламова Гүзәл  - 2 нче, Абдуллина Айсылу  – 3 урыннар яуладылар.