29 октябрь көнне "Казан" милли -мәдәни үзәгендә "Белем җәүһәрләре-2011" интернет-проектлар бәйгесендә җиңүчеләрне тәбрикләү тантанасы булып узды. Бу бәйге Татарстан Республикасы мәгариф һәм фән министрлыгы, "Белем.ру" җаваплылыгы чикләнгән җәмгыяте, Татартсан Республикасы мәдәният министрлыгы һәм Бөтендөнья татар конгрессы башкарма комитеты белән берлектә туган телгә һәм гореф-гадтләргә мәхәббәт тәрбияләү, интренет-технологияләр ярдәмендә татар телен һәм мәдәниятын саклау һәм үстерү, прогрессив белемле укытучылар, укучылар һәм гаиләләрне барлау максатыннан оештырлды. Быел ул икенче тапкыр үткәрелде. Бәйгегә барлыгы 41 интернет-проект тәкъдим ителеп, шулар арасыннан иң яхшылары сайлап алынды. Безнең мәктәпнең башлангыч класслар укытучысы Замалиева Фәридә Гаптелбариевнаның сайты 3 урынга лаек булды. Ул да шушы бүләкләү тантанасында катнашты. Аңа дәрәҗәле диплом һәм истәлекле бүләкләр тапшырдылар. Кызганыч,безнең районнан бу бәйгегә бары бер эш кенә тәкъдим ителгән иде һәм  анысы да безнең мәктзп укытучысы. Котлыйбыз , Фәридә апаны! Киләчктә дә уңышлар һәм һәр яңалыкны кабул итеп үз эшендә файдалануын телибез.

 28 октябрь көнне башлангыч класс укучылары арасында "Озын толымлы нәни туташ" бәйгесе булып узды. Бәйгедә катнашу өчен, беренче чиратта, кызларның озын толымлы булулары шарт иде. Ә башлангычларда андый кызлар шактый икән. Бәйгедә катнашкан 7 кызның (Пустынникова Настя, Абзалина Гөлия, Бикмуллина Гөлия, Вәкилова Илүзә, Сәйфетдинова Ания, Хәнәфиева Мәликә, Язилә) барысы да шушы шартларга туры килде. Алар үзләренең сәләтләрен күрсәттеләр: биеделәр, җырладылар, җитезлекләрен күрсәттеләр. Ә иң мөһиме - кызларның китап белән дус булулары күңелне куандырды. Бәйгедә "иң күп китап укучы" номинациясендә һәр кыз үзен иң күп әдәби китап укучы итеп күрсәтергә теләде. Әмма Сәйфетдинова Анияне уздыручы булмады. Бәйге ахырында һәр номинация буенча җиңүчеләр билгеле булды. Ә "Озын толымлы нәни туташ" исеменә Сәйфетдинова Ания лаек булды. Шушындый матур, эчтәлекле һәм файдалы бәйге оештарганы өчен, китапханәче, татар теле һәм әдәбияты укытучысы Сабитова Тәнзилә Нәбиулловнага зур рәхмәт белдерәбез!

Көз фасылының иң күркәм бәйрәмнәренең берсе булган "Сөмбелә", ниһаять безгә дә килеп җитеп, мәктәптә гөрләп узды.

Национальный праздник Урожая "Сюмбеля -2011" отметил коллектив Ачасырской СОШ

Казанда Уңыш бәйрәме, ә без кояшлы көннән файдаланып уңыш җыярга чыктык!

6 октябрь көнне мәктәптә Укытучылар көненә багышланган тантаналы кичә булып узды.

Хөрмәтле укытучылар! Мәгариф хезмәткәрләре! Мәктәбебезнең армый-талмый хезмәт куючы барлык персоналы!

Сезне Укытучылар көне белән тәбрик итәбез!

27-28 нче сентябрь көнне мәктәбебездә "Парламент дәресе" булып узды. Аны Яшел Үзән район советы депутаты Кадыйров Равил Самат улы үткәрде.

10 сентябрь көнне безнең мәктәптә Сәламәтлек көне булып узды.

Мәктәп яны тәҗрибә участогы безнең иң яратып йөри торган урыннарының берсе. Чөнки без-авыл балалары-эштән курыкмыйбыз һәм рәхәтләнеп эшлибез.