8 нче сыйныф укучысы Исмәгыйлева Илдананы бадминтон буенча ярышларда уңышлы чыгыш ясавы белән котлыйбыз.Илдана өч төрле категориядә: «Татарстан Республикасы шәхси кубогы»бадминтон буенча республика ярышларында ялгыз , парлы һәм катнаш категорияләрдә 2 урынны алды Шулай ук «ак Барс-канат кубогы» бадминтон буенча Бөтенроссия ярышларында катнаш разрядта 2 урынны , шәхси һәм парлы разрядта 3 урынны яулады .Укучыбыз белән горурланабыз!

16  нчы ноябрь көнне «КИУ»  базасында унынчы  халыкара «Географик диктант» язулары булып узды. Бу чарада  безнең укучылар да читтә калмады. 11 нче сыйныф укучылары Березовская Д, Захаров С, Сибагатуллина А, Халилова Л, Фатихова М,  география укытучысы Рахимова З.З.җитәкчелегендә үз белемнәрен сынап карадылар. Барлык катнашучыларга сертификат тапшырылды.

10 нчы ноябрь көнне Казан шәһәренең «Сәләтле балалар үзәгендә»  «Без булдырабыз» республика ачык олимпиадасы узды. Бу олимпиадада 2 В сыйныфы укучылары бик актив катнаштылар. Хөсәенова Камилә - җиңүче, Денисова Амалия, Низамеева Мәдинә, Кадырова Саминалар призёр булдылар. Сыйныф җитәкчесе Мөбарәкшина Ләйсән Гаптелхәмитовнага һәм олимпиадада катнашкан укучыларга киләчәктә дә  уңышлар телибез.

11 нче ноябрь көнне гимназиянең Ахатовлар гаиләсе "Без тарихта эзлебез" республика бәйгесенең муниципаль этабында җиңу яулады. Аларга зона этабында да уңышлар телибез.

2 В сыйныфы укучысы Насибуллин Мурат, Казан шәһәренең «Сәләтле балалар үзәге» оештырган «Исәпләү магистры» («Магистр счёта») республика ачык олимпиадасында катнашып, җиңүче булды. Муратка һәм сыйныф җитәкчесе Мубаракшина Ләйсән Гаптелхәмитовнага киләчәктә дә зур уңышлар телибез.

8, 9, 10 ноябрь көннәрендә бөтен дөнья буйлап сибелгән татарлар һәм татар теленә битараф булмаган башка милләт вәкилләре – олысы, кечесе татарча диктант яза.

Татар телендә хатасыз язарга өйрәнү, туган телгә игътибар җәлеп итү, ана телендә сөйләшүчеләр санын арттыру максатыннан оештырылган әлеге чарада безнең гимназия укучылары һәм укытучылары да катнашты. Барлыгы гимназия кысаларында 60тан артык кеше татарча диктант язды.

Диктант өчен Шәриф Камалның «Матур туганда» романыннан өзек тәкъдим ителде. Катлаулы дәрәҗәдә әлеге диктанты язу катнашучылар өчен тагын да кызыклы булгандыр дип ышанып калабыз.  Дөньякүләм акциядә катнашу өчен рәхмәтебезне белдерәбез.

9 - нчы ноябрь көнне шәһәр күләм  28 - нче проект уены «Тат - Рус» булып узды. Бу кызыклы һәм мавыктыргыч уенда география укытучысы Рахимова З.З. белэн берлектә 11- нче сыйныф укучылары:  Аккузина  А, Ибниева  Д, Зиятдинов Н, Шамаева  Д үзләренең белемнәрен сынадылар.

Казан федераль университетында математика фәненнән старт олимпиадалары узды. Олимпиада җиңүчеләре-Халиков А., 6 А, призерлары- Шамгунов Д., 8 В,Халиков Т., 8 В. (укытучыГыйльмиева Г. Г.) Укучыларыбызны котлыйбыз һәм киләчәктә дә уңышлар телибез.

Көзге каникулларга Татарстан Экология һәм табигый байлыклар министрлыгы икенче ел рәттән бөтен Татарстаннан яшь экологларны - чиста мирас олимпиадасының беренче турында җиңүчеләрне һәм призерларны чакыра. Безнең гимназияне 8 В нче сыйныф укучылары Гибатуллина А. һәм Исмәгыйлева И. (җитәкчеләре Гыйльмиева Г. Г.) тәкъдим иттеләр.Берничә көн дәвамында укучылар мастер-классларда,интеллектуаль уеннарда,экскурсияләрдә катнаштылар һәм олимпиаданың икенче туры мәсьәләләрен хәл иттеләр. Олимпиада йомгаклары буенча Исмәгыйлева Илдана республикада 8 нче сыйныфлар арасында 4 нче урынны ,Гыйбадуллина Азалия 7 нче урынны алды.Укучыларыбызны яхшы нәтиҗәләр белән котлыйбыз һәм аларга киләчәктә дә уңышлар телибез.

4а сыйныфы укучысы Шумбутов Тимур (Сыйныф җитәкчесе – Ахметова Г.Х) “Математик марафон” дип исемләнгән республика олимпиадасында җиңү яулады. Тимурны җиңүе белән котлап, алга таба да уңышлар телибез!