Әле 2015нче елның көзендә генә Казан мәктәпләрендә белем бирүче 600 дән артык укытучы барлык фәннәрдән дә тест тапшырган иде.Быелның 22 нче гыйнварында Республика күләмендә 300гә якын укытучы җөмһүриятебезнең төрле районнарыннан килеп, 1нче Татар гимназиясендә аттестация алдыннан хәзерлек тестларын тапшырды. Аның нәтиҗәләре укытучыларны яңадан әзерләү һәм аларның квалификациясен күтәрү буенча эшне оештырырга ярдәм итәчәк.

Гимназиянең иҗатка сәләтле укучылары Татарстан Республикасы Мәгариф һәм фән министрлыгы тарафыннан Г. Тукайның тууына 130 һәм М. Җәлилнең тууына 110 ел тулуга багышлап уздырылачак “Илһам” Бөтенроссия яшь язучылар бәйгесенә әзерләнә.

Бу елның сентябрь аеннан ук Казанның дүрт мәктәбендә эксперименталь рәвештә кытай теле өйрәтелә башлаган иде. Алар арасында безнең 1нче татар гимназиясе дә тәҗрибә уза. Гимназия Конфуция Институты белгечләре белән тыгыз элемтәдә тора: әледән-әле очрашулар оештырыла, ачык дәресләр уздырыла.

Нюрнбергтагы Халыкара хәрби трибуналның 70 еллыгына багышланган Бердәм Хәтер дәресе гимназиябездә бүген, ягъни 15 гыйнвар көнне үткәрелде.

Бүген, 15нче гыйнвар көнне, гимназиябезнең 5нче сыйныф укучылары да, “Варислар иленә сәяхәт” кылып, Татарстан Варислар Берлеге сафларына кабул ителде. Берлек янәдән 53 яшь вариска артты!

12нче гыйнвар көнне тәрбия эшләре буенча директор урынбасары тарафыннан оештырылган Гимназия Үзидарәсенең җыелышы булып узды. Үткән чиреккә, узган эшләргә йомгак ясалды, нәтиҗәләр чыгарылды.

Быел укучыларның кышкы каникуллары 28 декабрьдән башланып, 10 гыйнварга кадәр дәвам итте. Гимназиядә каникул вакытында түгәрәкләр һәм консультацияләр эшчәнлеге дәвам итте.

Күңелле бәйрәм яллары һәм озын каникуллардан соң мәктәптә укуның иң озын чиреге - III чирек башланды. Сагындырып кына яуган ап-ак карга күмелеп кышкы каникуллар да үтеп китте.
Чыршы бәйрәмнәре дә тыныч һәм куркынычсыз узды. Ә бүгеннән инде - укырга! Хәерле сәгатьтә!

Гомуми урта белем бирүче уку йортларында Яңа ел алды тамашалары башланып китте. 25нче декабрь көнне 1нче санлы татар гимназиясе укучылары да яңа ел тамашасында катнашып, үз иҗатларын тамаша кылды.

Кыш – әкияткә тиң могҗизалар вакыты. Бу бигрәк тә балаларга яхшы таныш. Нәкъ менә могҗизага тиң табигатьнең серле бер фасылы, яңа елның якынлашуы 1нче санлы гимназия укучыларын да битараф калдыра алмады. Һәр укучы “ Кышкы могҗиза” дигән темага рәсем һәм кул эшләнмәләре ясады. Иң матур рәсемнәрдән күргәзмә оештырылды. Ә кул эшләнмәләре арасында нидиләре генә юк! Кул астында гына булган җисемнәргә яңача “җан өргән” алар! Афәрин!