24-нче октябрь  көнне  гимназиядә  татар теле укытучыларының район семинары булды. Гимназия укытучылары Абдурахимова Н.А., Алехина Т.Г., Гараева Г.Г., ҖиҺаншина Р.Ә., Мөхәмәтҗанова Р.К. башлангыч сыйныфларда “Яңа программалар буенча   ФГОС таләпләренә нигезләнеп татар теленә өйрәтү “проблемасы буенча  рус төркемнәрендә ”,Ш.Маннурның “Кошлар китә”(4кл.)“, “Кайда?Кая? Кайдан? Кайчан? сораулары“ (2кл.),” Дару үләннәре” (4кл.), татар төркемендә “Тамырдаш сүзләр”(3кл.), ”Янында  бәйлек сүзе”(3кл)  темасына татр теленнән һәм әдәби укудан дәресләр күрсәттеләр. Семинарда катнашучылар  дәресләргә карата фикерләрен әйттеләр, киңәшләрен бирделәр. Түгәрәк өстәлдә  аттестация һәм ФГОС буенча  теоритик материаллар  турында РМО җитәкчесе Г.А.Амутбаева, татар теле укытучыларының кураторы мәгариф бүлегеннән Г.И.Давлетшина сөйләде. Барысы да семинар эшеннән канәгать булып киттеләр. Бигрәк тә яшь укытучыларга  бүгенге көн таләпләренә туры китереп, яңача укытуда  үрнәк дәресләр карау, борчыган сорауларына  җавплар алу файдалы булгандыр