Сегодня в МБОУ "Верхнеуслонская гимназия" прошло мероприятие, посвящённое 90-летию со дня рождения татарского писателя Шауката Галиева. Цели мероприятия: ознокомление с творчеством Ш.Галиева; пробуждения интереса к его произведениям; воспитание в детях ораторского мастерства и умения выступать на сцене.

Шагыйрь юбилеена бүләкләр

Бүген 23 нче ноябрьдә гимназиядә балалар шагыйре Шәүкәт Галиевның 90 еллык юбилеена багышланган әдәби-музыкаль кичә үткәрелде. Презентация ярдәмендә Ш.Галиевның тормыш юлы, иҗаты турында балаларга тирән эчтәлекле мәгълүмат бирелде. Аннары татар төркемнәрендә укучы 1-6 нчы сыйныф балалары шагыйрьнең шигырьләрен сәхнәләштереп яттан сөйләделәр, аның сүзләренә язылган “Утыр әле яннарыма" җырын күмәкләп башкардылар.Кичәдә Ш.Галиевның 20 ләп шигыре яңгырады. Ахырдан карап-тыңлап утыручы балалар үзләренә иң ошаган шигырьләрне әйттеләр. Бүгенге кичәнең иң матур өлеше - 1 нче сыйныф укучылары - Эмиль, Эвелина Әмир, Камилә, Раяз,Ислам,Зилә,Салаватның беренче тапкыр тамашачы алдында чыгыш ясавы . Бәйрәмне оештыручылар - татар теле укытучылары Зиганшина Р.А, Нурмухаметова А.Ш. киләчәктә дә балалар үз туган телләрендә тагын да яхшырак чыгышлар ясавына чын күңелдән ышана.