Әфган сугышы... Бу коточкыч вакыйгаларга нокта куелган 1989 нчы елның 15 нче февраль көненнән соң нәкъ 25 ел вакыт узып киткән. 15 нче февраль – Россиядә интернационалист сугышчыларны искә алу көне итеп үткәрелә. Бүген мәктәптә сыйныф сәгатьләрендә укучылар белән шул хакта сөйләштек.

Сугыш... Кыска гына сүз, ә мәгънәсе бик куркыныч! Сугыш бервакытта да үлемсез генә булмаган. Әфган сугышы да күп югалтулар китерә. Саннар уйланырга мәҗбүр итә... Халкыбызга кайткан 15 меңгә якын кургаш табут, 36 мең яралы, 312 хәбәрсез югалган солдат язмышы һәркемне борчый. Дөрес, гадел, кирәкле сугыш булган ул, диярлек түгел инде аны!..

М.Горбачев хакимияткә килгәч, сәясәттә яңача фикерләү рәвеше барлыкка килә. СССР халык депутатларының II съезды күрше илдә алып барылган сугышны сәяси хата дип саный. Һәм, ниһаять, 1989 нчы елның 15 нче февралендә соңгы совет солдаты Әфганстаннан чыгарыла. Сугыш 9 ел 1 ай 19 көн дәвам итә. Шушы сугышта Татарстаннан 9570 кеше катнаша, 260 сугышчы һәлак була, 233 е - инвалид, 546 сы яралана, контузия ала. Әлеге саннарны безнең онытырга хакыбыз юк. Чөнки алар - безнең ватандашар, якташлар. Әле ярый ла сугыштан исән кайтучылар бар. "Исәннәрнең - кадерен, үлгәннәрнең каберен бел”, -  дигән борынгы бабаларыбыз. Әфган сугышында ил кушканны, хәрби бурычын үтәүчеләрне һәрчак хәтердә сакларга тиешбез.

8 нче февраль көнне 14.00 сәгатьтә Мәмдәл гомуми урта белем бирү мәктәбендә "Бер күрешү - үзе бер гомер" дип аталган очрашу кичәсе үткәрелә.

Мәктәпне 1964, 1974, 1984, 1994 нче елларда тәмамлаган барлык укучыларны һәм  барлык чыгарылыш сыйныф укучыларын кичәгә көтеп калабыз.

Бүген мәктәптә  "Тормышыбызда интернетның роле" дигән темага ата-аналар җыелышы булды. 9 нчы сыйныф укучылары ата-аналарга суд уены күрсәттеләр.

5 нче сыйныф укучылары арасында математик КВН үткәрелде.