1552 елның 15 октябре. Бу көн милләтебез тарихына иң фаҗигале һәм иң  олы кайгылы көн булып кереп калган. Бүген борынгы дәүләтебез Казан ханлыгының Рәсәй илбасарлары тарафыннан яулап алынуына 464 ел тулган көн. Явыз Иванга әсирлеккә китәргә мәҗбүр  ителгән  аның ханбикәсе Сөембикәнең тоткынлыкта каңгырып вафат булуына да быел 459 ел тула.

 Мәктәбебездә бүген фаҗига корбаннарын искә алу дәресләре үткәрелде.Хәтер көнен һәркайсыбыз белергә тиеш. 

Онлайн режимда финанс грамоталылыгы дәресләрендә  7-9 сыйныф укучылары бик теләп катнашалар. Укучылар "Моя профессия- педагог", "Моя профессия - финансист", "Моя профессия-бизнес-информатик" исемле темалы финанс грамоталылыгы дәресләрендә катнаштылар . Алып баручы сорауларына җавап бирделәр, үз сорауларын да юлладылар. Яңа информацион технологияләр заманында мондый дәресләрнең әһәмияте бик зур.

Башлангыч сыйныф укучыларыбыз "Сәяр" театраль фестиваль-конкурсында татар халкының "Шалкан"  әкиятен сзхнәләштерделәр һәм  район күләмендә 3 нче урынны яуладылар. Башлангыч сыйныф укуытучыларына һәм укучыларына тырышлыклары, осталыклары өчен зур рәхмәт! Аларга алда да зур уңышлар телибез!

Укытучылар көнендә тантаналы төстә,  кадерле укытучыларына багышлап, укучылар матур шигырьләрен сөйләделәр, җыр һәм биюләрен бүләк иттеләр. 

Өлкәннәр көне уңаеннан без мәктәпкә үзебезнең өлкән укытучыларыбызны кунакка чакырдык.Алар безнең остазларыбыз, хөрмәтле кешеләребез. Тырыш хезмәтләре өчен алар алдында баш иябез.

Безнең мәктәпнең бик матур традициясе бар.Нинди генә бәйрәм оештырсак та лаеклы ялга киткән укытучыларыбызны хәрмәт итеп кунакка чакырабыз. Өлкәннәр көнендә дә алар иң кадерле кунаклар булдылар. Укучылар көче белән оештырылган концерт аларга матур бәйрәм бүләге булды.

Безнең мәктәптә  бакчада үсә торган яшелчә, җиләк-җимешләрдән ясалган  төрле эшләнмәләр күргәзмәсе оештырылды.