Теләче 3нче номерлы балалар бакчасында  зурлар төркеме балалары (тәрбиячеләре Хабирова Ф.Ф.) белән  “Патша кызы  һәм юл йөрү кагыйдәләре”дигән театрлаштырылган күренештә  юл йөрү кагыйдәләре турында белемнәрен күрсәттеләр. Чара ДБУнең Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. һәм әти-әниләр  катнашында узды. Кечкенә җәяүлеләр уен-әкият формасында юл хәрәкәте кагыйдәләре буенча белемнәрен кабатладылар һәм беркеттеләр.

Бүген 2025 елның 29 апрелендә Теләче 3 нче номерлы балалар бакчасында «БумБатл» Бөтенроссия акциясенә йомгак ясалды. Барлык төркемнәр дә катнашты. Барлыгы 500 кг макулатура җыелган. 1 урынны - уртанчылар төркеме (тәрбиячесе Хафизова А. Р. -182 кг., 2 нче урынны - зурлар төркеме (тәрбиячесе Хәбирова Ф.Ф.) 126 кг.,3 нче урынны – иң кечкенәләр төркеме (тәрбиячесе Ибраһимова А. Р.) 82 кг., 4 нче урынны – 1 кечкенәләр төркеме (тәрбиячесе Хазинурова Г. Р.) 52 кг., 5 нче урынны мәктәпкә әзерлек төркеме (тәрбиячесе Хуҗина Р. Г.) 33 кг., 6 урын - 2 кечкенәләр төркеме (тәрбиячесе Һадиева Ф. Г.) 25 кг макулатура җыеп алдылар. Афәрин!

 25 апрель көнне Теләче 3 нче номерлы балалар бакчасында тәрбияләнүче балалар өчен татар халкының йөзек кашы булган бөек шагыйребез Габдулла Тукайның тууына 139 ел тулуга багышланган чара үткәрелде. Бәйрәмдә балалар сөекле шагыйрьнең җырларын, шигырьләрен яттан сөйләделәр, җырладылар. Зурлар төркеме балалары Г.Тукайның әкиятләре буенча өзекләр күрсәттеләр. Чарада тәрбиячеләр уеннар да уйнаттылар, балаларга табышмаклар да  әйттеләр.  Бәйрәм Салаватиклар белән бергә “Туган тел” җыры белән тәмамланды һәм барлык балалар күңелендә онытылмаслык кичерешләр калдырды.

Бүген “Киләчәк” район яшьләр үзәгендә  Теләче үзәк китапханәсе Габдулла Тукайның тууына 139 ел тулу уңаеннан “Күңелләрдә син, Тукай!” дигән чара уздырды.
Чарада безнең Теләче 3нче номерлы балалар бакчасының мәктәпкә әзерлек төркеменә йөрүче Тимербаева Сәфинә катнашты (тәрбияче Биккинина Р.Р.). Чара бай эчтәлекле булды, балалар дипломнар белән бүләкләнде.

Безнең Теләче 3нче номерлы балалар бакчасында Макулатура җыю буенча Бөтенроссия БумБатл акциясе узды. Барлык катнашучыларга да акциядә актив катнашулары өчен рәхмәт белдерәбез!

Яз һәм җәй - янгын куркынычлыгы сезоны. Корылык, эсселек үзеннән-үзе янгын куркынычы тудыра, әмма шулай да аларның барлыкка килүендә ешрак саксызлыгы, ә кайвакыт җавапсызлыгы бәлагә китергән кешеләр гаепле була.

Бүген Теләче 3нче номерлы балалар бакчасында район тәрбиячеләре, әти-әниләр алдында: «Салават күпере» журналы нигезендә балалар бакчаларында интерактив дәресләр үткәрү» темасы белән журналының баш мөхәррир урынбасары Гөлназ Ярмиева чыгыш ясады. Балалар өчен нәшер ителүче журнал белән якыннан таныштырды, сәхифәләренә күзәтү ясады. «Салават күпере» журналының мульти-медиалы булуы, әкиятләр, акыллы уеннар һәм ябыштыргычлар белән баетылганы хакында ассызыклады. Әлеге чара кысаларында безнең тәрбиячеләр Хабирова Ф.Ф. һәм Биккинина Р.Р. мастер класслар күрсәттеләр. Мондый очрашулар дәвамлы, дуслыгыбыз нык булсын дигән теләктә калабыз.

Бүген район мәдәният йортында «Теләче йолдызчыгы» балалар иҗат фестиваленең Гала -концерты булды. Безнең Теләче 3нче номерлы балалар бакчасыннан да тәрбияләнүче балалар чыгыш ясады Хафизова Алисә һәм Шамарданов Бахтияр - конферанс, Баева Залина- вокал-соло, "Нәни энҗеләр" - вокаль ансамбле,бию төркеме. Балалар дипломнар белән бүләкләнде.

Ватанны саклау елы һәм Бөек Җиңүнең 80- еллыгы кысаларында  бүген 11 апрель көнне Теләченең 3 нче номерлы балалар бакчасы мәгариф бүлеге белән берлектә “Асылташлар” районкүләм бәйгесе узды. Бәйгенең максаты- үсеп килүче буынның ата-бабаларыбызның тарихи-мәдәни мирасы белән кызыксынуын арттыру,  патриотик кыйммәтләрне ныгыту,  балаларның иҗади мөмкинлекләрен үстерү һәм милли мәдәниятнең төрлелеген ачып бирә торган халык традицияләренә якынаю. Бәйге быел дүртенче тапкыр үткәрелә,елдан-ел үсә, популярлаша.  Бәйге тәлапләре буенча, балалар  үзләре белән таныштырдылар, сәләтләрен күрсәттеләр. Һәр катнашкан бала җиңүче, диплом һәм истәлекле бүләккә ия булды.

Космонавтика көне алдыннан Теләче  3нче номерлы балалар бакчасында кешенең беренче тапкыр космоска очуына багышланган чаралар узды. Аларның максаты: балаларның космос, аны беренче булып ачучылар, танылган космонавтлар турындагы күзаллауларын киңәйтү; кызыксынучанлыкны, танып белү активлыгын үстерү, эрудициянең гомуми дәрәҗәсен күтәрү; үз Ватаныбыз өчен горурлы тәрбияләү. Зурлар төркеме балалары белән космос, Кояш системасы планеталары, космик очышлар турында танып-белү дәресләре һәм әңгәмәләр үткәрелде, дәресне зурлар төркемендә тәрбияләнүче Сәйфетдинов Дамир Р. үткәрде. Соңыннан тәрбияче Хәбирова Ф.ф.  балалар белән тәҗрибә - эксперименталь эшчәнлек үткәрде, нәтиҗәдә балалар вулканның атылуын күрделәр.