Пионерияның туган көнен билгеләп узу өчен друңина сборы уздырылды. Сборга укучыларны Гилязова Р.М. әзерләде. Сбор вакытында 4,5 сыйныф укучылары Татарстан Варислары Берлеге сафларына кабул ителде. Аларга ТВБ галстуклары тагылды.

Дружина сборыннан соң 1-7нче сыйныф укучылары арасында пионербол ярышы уздырылды. Бу ярышта 3,5 нче һәм 7нче сыйныф укучылары җиңү яулады. Ярышны Гараева Р.М. оештырды. Ярыштан соң укучылар табигатькә чыгып ял иттеләр һәм хәрәкәтле уеннар уйнадылар.

8 май көнне иртәнге 7:00 сәг. 14:00  сәг. кадәр  4-8нче сыйныф укучылары һәйкәл янында "Хәтер вахтасында" тордылар.

8нче май көнне һәйкәл янында митингта сугыш ветераны Минкина Мәрьям апа, күп кенә тыл хезмәтчәннәре, сугыш чоры балалары һәм Социалистик Хезмәт Герое Абдуллин Нигъматулла абый катнашты. Митингка чакырылган кунакларга татар теле укытучысы Вилданова Л.Р. әзерләгән әдәби-музыкаль композиция күрсәтелде. Анда яңгыраган шигырьләр, җырлар озак вакытлар күңелләрдә сакланыр. 

9нчы сыйныф укучылары укытучылары Калимуллин Ф.Г. белән  берлектә Бөек Җиңүнең 70 еллыгына багышлап гирлянда ясадылар һәм аны һәйкәлгә куйдылар.

"Үлемсез полк" акциясе кысаларында безнең мәктәпнең 25 укучысы үзләренең сугышта катнашкан туганнарын, бабаларын эзләп таптылар һәм портретларын ясаттылар. Митинг барышында аларга багышлап җыр башкардылар.

Дару үләннәреннән каен бөресе җыю буенча безнең мәктәп укучылары үз планнарын үтәделәр. 650 гр каен бөресе тапшырдык. Мәктәпкә бирелгән планның яртысын 2,4нче сыйныф укучылары җыйды.Бик зур рәхмәт Сезгә! (Сыйныф җитәкчесе Гилязова Р.Ф.) 

Әле кайчан гына 1нче сыйныф укучыларына мәдәният көндәлекләре бирелгән иде. Хәзер инде аларның эшләренә нәтиҗә ясарга да вакыт җиткән. Галиәкбәров Айнурлар гаиләсе бу ярышта беренчелеккә чыкты. Гараева Ландыш һәм Гимаева Диләрәләр призер булды. (Укытучысы Хайруллина Р.Ф.)