Язгы изгелек көннәре кысаларында мәктәптә "Госуслуги порталы-безнең якын дустыбыз" темасы буенча сыйныф сәгатьләре узды. Укучылар мәктәптә эшләүче техник хезмәткәрләрне дә порталга бәйләделәр. Шулай итеп, укытучылар белән беррәттән мәктәпнең техник  хезмәткәрләре дә госуслуги порталыннан файдалана алачак.

4нче сыйныф укучылары рус теле фәненнән ВПР эшләделәр. Укытучылары Гилязова Р.Ф. 

Язгы изгелек көннәре кысаларында лаеклы ялдагы укытучыларга ярдәм итү оештырылды. Мәктәп территориясендәге корыган, картайган каен агачларын кисеп, ветеран укытучыларга илтеп тапшырдык.

Мәктәптә эшләп килүче спорт клублары арасында уздырылган Республикакүләм җиңел атлетика ярышларында район данын яклап безнен мәктәп укучылары чыгыш ясап кайттылар. Җитәкчеләре Калимуллин Ф.Г.

Эш белән тәэмин итү һәм мәшгульлек үзәге хезмәткәрләре 8-11нче сыйныф укучылары белән очрашу уздырды. Алар һәр укучы белән анкета уздырып, аларның нинди һөнәргә һәвәслеген ачыкладылар. Очрашу ахырында хәзерге вакытта кирәкле һөнәрләр һәм яңа барлыкка килгән һөнәр ияләре турында таныштырдылар.

Китапханәче Салихова Г.И. Бөтендөнья авиация һәм космонавтика көненә багышланган "Космик сәяхәт" темасы астында 2-4 нче сыйныф укучылары белән викторина уздырды. Китапханәдә  бу темага буенча китаплар күргәзмәсе дә оештырылды.

9 сыйныф укучылары математикадан сынап карау имтиханы тапшыра. 

Чаллы шәһәрендә уздырылган "Без бергә"  фестивалендә мәктәбебезнең курайчылар ансамбле: Хакимова Милена, Иляуша, Хусаинов Айдар, Шакирзянов Айнурлар чыгыш ясап кайтты.

"Нәфис сүз" номинациясендә 8нче сыйныф укучысы Гимаева Зилә 1 дәрәҗә диплом иясе булды. Әзерләүче укытучысы Вилданова Л.Р. Котлыйбыз сезне.

Вокал номинациясендә "Энже чәчәкләре" ансамбле кызлары 1 дәрәҗә диплом иясе булдылар. Җитәкчеләре музыка укытучысы Нурутдинова Л.Ф.

Курайчылар ансамбле лауреат булды.

Каникул көннәрендә районда уздырылган бадминтон ярышларында Хусаинов Айдар һәм Нурлин Данил 3 урынны алып кайттылар. Аларны әзерләүче укытучылары Калимуллин Ф.Г. 2 урынны алды. Афәрин, булдырдыгыз егетләр.