Өлкән класслар өчен “Көз патшабикәсе бәйрәме” истә калырлык булды. Укучылар 2 командага бүленеп төрле конкурсларда  ярыштылар. Һәр команда үзенең исемен, эмблемасын, девизын яклады.   Программада  “Тапкырларга табышмак”,  “Кем тизрәк” уены, “Көзге коллекция”, “Көзнең баш тегүчесе”, “Төймә”  иҗади конкурслар бар иде.  “Көз патшабикәсе” булып 8 класс укучысы Карпова Наилә  сайланды. Ике команда да җиңүче булды. Бәйрәм кичәсе тәмле – томлы ризыклар белән бизәлгән өстәл артында дәвам итте.  Укучылар өчен дискотека оештырылды.

                                                                                                                  Афәрин укучылар!

13 нче октябрь көнне мәктәбебездә “Республикабыз җәүһәрләре”дип аталган әдәби музыкаль кичә үткәрелде. Кичәнең максаты:  халкыбызның халык һәм профессиональ музыка сәнгатен барлау, өйрәнү;

композиторларның иҗатлары турында мәгълүмат алу;

милли хәзинәнебезне өйрәнүне дәвам итү, үзебездә халык алымнары күнекмәләрен үстерү; татар музыка сәнгатенә ихтирам уяту иде.

Кичәдә  рус, татар композиторларының көйләре, балет фрагментлары, опералардан өзекләр яңгырады. Әдәби кичәбез укучылар, ата-аналар катнашуындагы  концерт номерлары, җыр-биюләр белән  белән үрелеп барды. Бәйрәмне югары дәрәҗәдә оештырган өчен музыка укытучысы Резедә Минрәхимовнага зур рәхмәтебезне белдерәбез!

Хөрмәтле укытучыларыбыз!  Сезне һөнәри бәйрәмегез белән тәбрик итәбез. Сезгә исәнлек-саулык, иҗади уңышлар телибез.  

-Котлы булсын күркәм бәйрәмегез,

Саулык теләп, зурлап дәшәбез.

Игелекле хезмәтегез өчен

Хөрмәт тоеп озак яшәгез

Укытучылар көне уңаеннан,  мәктәбебездә өлкән сыйныф укучылары “Үзидарә көне” үткәрделәр.  Укучылар  бу көнне  ел буе көтеп алалар. Чөнки алар – “ Укытучылар”. Сәмигуллина Алия , Зиятдинова Гүзәлия, Исламов Илфат, Мөхәммәтҗанов Илназ, Беляева Алинә, Галиева Диләрә, Карпова Наиләләр үзләренең дәресләренә  әзерләнеп килеп, мавыктыргыч итеп үткәлделәр. Укучыларга дәресләр бик ошады.

1 октябрь көнне мәктәпнең актлар залында өлкәннәр көне үткәрдек. Бәйрәмгә ветеран укытучылар,  төрле елларда хезмәт куйган хезмәткәрләребез килде. Алар алдында укучылар көче белән әзерләнгән концерт номерлар күрсәтелде. Соңыннан килгән кунакларны чәй табыны янында сыйладык. Алар безгә шундый күркәм бәйрәм оештырган өчен олы рәхмәтләрен белдерделәр!

Мәктәбебезнең  1-9 сыйныф укучылары Бөтенроссия экологик субботникта катнаштылар. Мәктәп яннары, урам буйлары  чүп-чардан арынды.

24 сентябрь көнне мәркәзебез Казанның агропромышленность паркында  үткәрелгән республика авыл хуҗалыгы ярминкәсендә катнаштык. Безнең мәктәп өчен мондый ярминкәләрдә катнашу традициягә әйләнде.

Бүген 8 сыйныф укучылары авылыбызны, мәктәп тирәсен матурайту, агачлар утырту  өчен, агач үсентеләре әзерләделәр.

1-9 сыйныфларда”Спортлы Татарстан” темасына тәрбия сәгатьләре  үткәрелде, видеофильмнар күрсәтелде. Башлангыч сыйныфлар өчен спорт уеннарыннан торган эстафета

.

Татарстанның варислары без

Улларыңа лаек алмашлар.

Яшел, ак, кызыл төсләрне алган

Галстуклы безнең нык сафлар.

Яшь варислар юлда.