"Әлмәндәр варислары" халыкара фестиваль; "Дулкыннар" республика конкурсы; "Илебездә", "Телебездә Тукай мәңгелек" шәһәр конкурсы; "Казан-йорт" шәһәр конкурсы лауреаты Хафизова Зәринә тагын бер уңышы белән куандырды. Т. Миңнуллин исемендәге укучыларның һәм укытучыларның III республика конференциясенең "Журналистика", "Кызыл тышлы дәфтәрдән" номинациясендә лауреат булды. Котлыйбыз! Җитәкчесе: Хафизова Зөләйхә Мусиновна.

Т. Миңнуллин исемендәге укучыларның һәм укытучыларның III республика конференциясенең I турына 8 укучы үзләренең эшләрен җибәргәннәр иде. Аларның дүртесе  II турга үтеп, бүген Татарстан Дәүләт Советы бинасында иҗади эшләрен якладылар.

9 нчы сыйныф укучысы Сираҗиева Резидә  Г. Гыйльмановның "Күңелем сурәте" дигән китабы буенча язган мәкаләсе белән күпләрдә кызыксыну уятты. Т. Миңнуллин исемендәге укучыларның һәм укытучыларның III республика конференциясендә Сираҗиева Резидә III урынга лаек булды. "Әлмәндәр варислары" халыкара фестиваль лауреаты булган кызны чираттагы җиңүе белән котлыйбыз. Җитәкчесе: Хафизова Зөләйхә Мусиновна.

Хыялсыз кеше- канатсыз кош

Хыялсыз яшәп булмый.

Хыяллана белүчеләр,

Безнең лагерьга йөри!

Бер атна дәвамында "Хыял" лагеренда рәхәтләнеп ял итеп, саф һавада хәрәкәтле уеннар уйнап, уку елын тәмамларга күп көч тупладык.

"Кыш белән Яз көрәшә,

Бездә булды тамаша!"

"Хыял" лагеренда укучыларкышның соңгы бүләгеннән төрле фигуралар ясадылар.

Туфан Миңнуллин истәлегенә багышланган  укытучылар һәм укучыларның  III республика конференциясе 24 март көнне Мәскәү районының «Ф.Г. Аитова исемендәге татар телендә  белем бирүче 12 гимназия» кысаларында башланып китте. Биредә «Үзем сайлаган язмыш» фәнни эшләр  һәм «Утырып уйлар уйладым» мәктәп китапханәчеләре секцияләре эшләде. Безнең китапханәчебез Гөлчирә Рәфхатовна китапханәчеләр секциясендә «Татар китабына кызыксыну уятуда традицион һәм заманча эш алымнары» исемле иҗади эшен яклады һәм лауреат булды.

Бүген гимназиябездә "Хыял" лагере ачылды һәм үзенең эшен башлап җибәрде.  

18 мартта гимназиядә “Китап укучыга багышлау” кичәләре булып узды. 1 нче сыйныф укучылары  “Китап патшабикәсе” белән таныштылар, аның киңәшләрен тыңладылар.Укучылар китапханә мөдире, Гөлчирә Рәфхатъ кызы, әзерләгән “Татлы викторина” да һәм төрле конкурсларда бик теләп катнаштылар. Китапның чын дуслары булырга, саклап тотарга, яратырга сүз бирделәр.

18 нче март көнне 2 "б" сыйныф укучылары  гимназиябездәге фронтавик, җырчы, шагыйрь - Мәхмүт Хөсәен  исеменә багышлап ачылган музейда булдылар. Укучылар игътибар белән   музей мөдире Минһаҗева Г.Р. сөйләгәнне ыңладылар. Кызыксындырган сорауларына җаваплар алдылар.

      17 нче мартта гимназиядә "Мәктәп метод берләшмәсенең башлангыч сыйныфларда белем бирү сыйфатын күтәрүдәге роле" исеме астында республика семинары үтте. Семинарда 30 дан артык республика районнарыннан һәм шәһәрләреннән килгән укытучыларга дәресләрдән фрагментлар, сыйныфтан тыш чаралар күрсәтелде. "Түгәрәк өстәл" янында җанлы сөйләшү булды. Гимназия коллективының эшенә зур бәя бирелде.