23 нче апрельдә гимназиядә   Мәхмүт Хөсәен исемендәге I Республика фәнни-гамәли конференция үтте.  Конференция    “Татарстан Республикасы дәүләт телләре һәм Татарстан Республикасында башка телләр турында” Татарстан Республикасы Законын тормышка ашыру, җырчы-шагыйрь, фронтовик Мәхмүт Хөсәеннең һәм башка каһарман шагыйрьләрнең тормышы, иҗаты үрнәгендә балаларда Ватанга мәхәббәт һәм милли үзаң тәрбияләү; җырчы-шагыйрьләрнең иҗатын өйрәнү, пропагандалау; җыр сәнгатенә, татар шигъриятенә, матур әдәбиятка кызыксыну уятуга юнәлтелде.

Конференциянең максаты һәм бурычлары: татар әдәбияты, шигърияте, җыр сәнгате, журналистика өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, татар шагыйрьләренең иҗатын өйрәнү һәм пропагандалау иде.

Конференциядә Татарстан Республикасының мәктәпкәчә белем бирү учреждениеләренең мәктәпкә әзерлек төркеме, гомуми белем бирү оешмаларының I-XI сыйныф укучылары, өстәмә белем бирү оешмаларында тәрбияләнүчеләр, махсус урта һәнәри белем учреждениеләрендә белем алучылар катнашты.  Алар  республикабызның төрле төбәкләреннән килделәр: Казан шәһәренең Идел буе, Вахитов, Киров, Яңа Савин, Авиотөзелеш, Совет районы һәм  Чаллы, Түбән Камадан, Балтач, Биектау, Арча, Балык бистәсе, Чистай районнары.

Конференциядә  эш 5 юнәлештә алып барылды:

1. “Мин омтылдым шигъри кодрәткә”.Мәхмүт Хөсәен шигырьләрен сәнгатьле уку, сәхнәләштерү.

2. “Үткен каләм остасы”. М.Хөсәенгә багышланган иҗади эшләр.

3. “Мәхмүт Хөсәен – җырчы-шагыйрь” М.Хөсәен сүзләренә язылган җырларны башкару

4. “Кеше булу – иң зур дәрәҗәм”. Мәхмүт Хөсәеннең тормышын һәм иҗатын рәсем сәнгате аша чагылдыру

5. “Җырым белән җиңдем дошманны”. Фронтовик шагыйрьләр иҗатына багышланган фәнни-эзләнү эшләре.

Биш юнәлешкә 200 дән артык фәнни һәм иҗади эш килгән иде.

4б сыйныф укучылары (житәкчеләре Сиражиева Г.Р.) Габдулла Тукайның тууына  130 ел уңаеннан уздырылган шигърият бәйрәмендә катнаштылар. Язучылар, шагыйрьләр, сәхнә осталары белән якыннан күрешү балаларның күңелендә онытылмас хәтирәләр калдырды.

Г. Тукайның 130 еллыгына багышланган бәйрәм кысаларында 4б сыйныфында бөек язучының әсәрләренә иллюстрацияләр конкурсы үтте.

Быел бөек шагыйребез Габдулла Тукайның тууына 130 ел. Олы бәйрәмне каршылап, шагыйрь сүзләренә язылган җырларны җырладык, мәктәп программасына кертелмәгән шигырьләрен өйрәндек, сәнгатьле сөйләүчеләр конкурсы да уздырдык. Тукай үрнәгендә иҗат дәрьясында гиздек, үзебез дә шигырьләр иҗат иттек. Иҗат җимешләрен туплап, әдәби альманах чыгардык. Тукай эзләре буйлап “Казанда Тукай эзләре” дигән экскурсия проекты төзедек. Юбилей уңаеннан район, шәһәр күләмендә узган төрле бәйгеләрдә актив катнаштык, уңышларыбыз да бар. Шулай булса да, шагыйрьгә булган олы ихтирам хисләребезне чагылдырып  бетерә алмагандай тоелды. Күңел рухи эзләнү халәтендә иде. “Хыял” әдәби-иҗат берләшмәсе утырышларының берсендә Тукай биографиясенә бәйле истәлекләр хакында сөйләштек. Ул яшәгән, булган урыннарга читтән торып сәяхәт иттек.

 Тукай һәм халык әдәбияты, Тукай һәм башка әдәбиятлар, шагыйрьнең әдәбият һәм шигърият хакындагы хезмәтләре, тәнкыйть һәм тәнкыйтьчеләр, цензурага мөнәсәбәте хакында фикер алыштык. Нәни Апуш язмышының никадәр аянычлы булуы, аның язмышын язуда бик күпләрнең катнашуы турында сөйләштек. Шушы түгәрәк өстәл артындагы әңгәмәләргә нигезләнеп, Тукай язмышына багышлап,  аның “Язмыш әлифбасын” язарга тәкъдим иткәч, укучылар бик теләп риза булдылар. Бу китап – күмәк хезмәт җимеше. Без анда Тукай язмышының аеруча мөһим сәхифәләрен чагылдырырга тырыштык. Билгеле, китапның әлифба формасында булуы билгеле бер чикләүләр дә куйды. Хәер, бер китап кысаларында гына бу катлаулы язмышны сурәтләп бетерү мөмкин булмас иде. Максатыбыз да ул түгел. Без бары тик бу бөек шәхеснең тормыш һәм иҗат мизгелләрен күңелебез аша үткәреп, башкаларга да җиткерергә тырыштык.

“Хыял” әдәби-иҗат берләшмәсе җитәкчесе, татар теле һәм әдәбияты укытучысы Хафизова Зөләйха Мусиновна, “Туган тел” берләшмәсе җитәкчесе, башлангыч сыйныфлар укытучысы Шиһабиева Әдилә Халиковна, "Компьютер дизайны" берләшмәсе җитәкчесе Лотфуллина Айгөл Гайсовна

Гимназиядә 20 нче апрельдә "Г.Тукайга 130 яшь" темасына бердәм дәрес үткәрелде. Рефератлар якланды, күргәзмә оештырылды. Бу юнәлештә эш әле дәвам итә.

20 апреля 2016 года педагоги и учащиеся нашей гимназии приняли участие в Республиканской акции "Спортивный Татарстан", которая призвана служить пропаганде занятий физической культурой и спортом, формированию навыков здорового образа жизни среди населения.

В рамках проекта Мэра г. Казани "Добрый город" в гимназии прошла благотворительная акция "Бумага во благо". Идея акции: собрать и сдать макулатуру.  Вырученные от сдачи макулатуры средства направили на лечение больного ребенка Синицына Кирилла.

             Халыклар дуслыгы йортында "Казан - йорт - 2016" шәһәр фестиваленең 18 нче апрель гала-концерты булды. Анда безнең гимназия укучысы Хафизова Зәринә катнашып, 1 нче дәрәҗәле лауреат дипломы белән бүләкләнде.

               Җитәкчеләре: Шиһабиева Ә.Х., Хафизова З.М.

Бүген гимназиябездә ачык ишекләр көне булып узды. Әти-әниләр каршында гимназиябез директоры Аида Марселевна, директор урынбасарлары Рушания Анисовна, Разиля Ризвановна, "Мәхмүт Хөсәен" исемендәге музей җитәкчесе Гөлчирә Рафхатовна чыгыш ясадылар. Әти-әниләр гимназия эшчәнлеге белән танышып, бик канәгать калдылар.