С 21 по 27 апреля в нашей гимназии пройдет  Весенняя неделя добра.

В этом году она будет посвящена исполнению своей, доброй  мелодии.

Весенняя мелодия добра – 2014

в гимназии № 8.

   Берничә ел дәвамында безнең гимназия укучылары район күләмендә уздырылган “Казан - йорт” конкурс-фестивалендә катнаша. Быел да 9нчы апрель көнне җыр номинациясендә төрле яшьтәге укучыларыбыз катнашты. Мингулова Диләрә (3нче сыйныф), Титова Әлинә (5нче сыйныф), Шәрәфиева Рузилә һәм Артыкова Регина (7нче сыйныф), Салеева Ләйсән (10нчы сыйныф) татар һәм украин телләрендә җырлар башкардылар.

  Бу сәләтле балаларыбызны конкурска әзерләгәннәре өчен музыка укытучысы Антонова Альбина Ривгәт кызы, татар теле һәм дәдбияты укытучысы Хәсәнова Айгөл Минибай кызына рәхмәтебезне белдерәбез.

   Конкурс нәтиҗәләрен кызларыбыз түземсезлек белән көтәләр...

Гимназиябезнең укучылары ТНВ каналын яратып карыйлар. “Күчтәнәч” тапшыруында катнашырга теләк белдерүчеләребез дә булды. 26нчы мартта бу тапшыруга 1нче сыйныф укучысы Гарипов Әдел дә үз күчтәнәче белән барды. Ул әбигә үзенең шөгыльләре, хыяллары турында сөйләде. Әдел буш вакытында лего җыю белән шөгыльләнә, ә дәү үскәч, аның очучы буласы килә икән. Без аңа укуында уңышлар, ә тормышында хыялларының тормышка ашуын телибез.

25нче март көнне без гимназиябездә Нәүрүз бәйрәмен билгеләп үттек. Башлангыч сыйныфта укучы кызларыбыз арасыннан “Нәүрүз сылуы”н сайладык. Безнең гимназиябез өчен бу чара яңа булуына карамастан, катнашырга теләүчеләр аз булмады. Конкурста 7 кызыбыз катнашты (2А – Әсфәндьярова Луиза, Васягина Әлинә, Гиззатуллина Сәидә; 2б – Рисаева Әдилә; 3А – Шәймәрдәнова Әлинә; 3В – Мингуллова Диләрә, Шадрина Аврелия). Кызларыбыз үзләре турында сөйләделәр, җырладылар, биеделәр, , шигырьләр сөйләделәр. Кызлар берсе-берсеннән сылу, тапкыр, зирәк, оста булып чыктылар. Жюри әгъзаларына да  “Нәүрүз сылуы”н сайлау җиңел булмады. Кызларыбыз барысы да  төрле номинацияләрдә лаек булдылар. “Нәүрүз сылуы” исемен 3нче В сыйныф укучысы Мингуллова Диләрә яулады. Афәрин, Диләрә! Бу бәйрәмне әзерләгән барлык укучылырга, укытучыларга, бәйрәмебезне бизәп торган әти-әниләргә, әби-бабайларга рәхмәтебезне белдерәбез. Киләсе елларда да Нәүрүз бәйрәмен уздыру безнең гимназиябездә традициягә әверелер дип ышанып калабыз.

Республика күләмендә Түбән кама шәһәрендә уздырылган “Туган телем – серле тел” дигән шигырьләр конкурсында башлангыч сыйныф укучылары актив катнашты. Конкурс нәтиҗәләре буенча Рисаева Әдилә (2б), Әбдулганиеа Арина (3а), Әбдуллин Әмир (3б), Җиһангиров Әдел (3а) катнашучылар таныклыгын алды. Мингулова Диләрә III дәрәҗәдәге дипломга лаек булды. Афәрин! Аларны әзерләгән укытучыларыбыз С.Р.Кадырова, Л.И.Сайфуллина, Р.Ф.Биктаһирова, Ә.М.Айзатуллова, А.М.Хәсәновага үзебезнең рәхмәтебезне җиткерәбез. Уңышлар сезгә!!!

   22нче март шәһәр күләмендә уздырылган “Ломоносов укулары”дип исемләнгән  фәнни-гамәли конференцияне дә читләтеп узып булмады. Быел бу конференциядә 2нче сыйныф укучысы Әсфәндьярова Луиза (укытучысы Минибаева С.Р.) һәм 7нче сыйныф укучысы Шәрәфиева Рузилә (укытучылары Мөхәммәтшина Ч.Ф., Шәрәфиева Г.М.) катнаштылар. Луиза катнашучы сертификатын алып кайтса да, Рузилә өчен бу конференция дә уңышлы булды. Аның эше IIIнче дәрәҗәдәге дипломга  лаек булды. Алга таба да уңышлар сезгә кызлар!!!