Татарстан Республикасы Хөкүмәте һәм ҖЧҖ "Дюраселл Раша" арасында имзаланган килешү кысаларында ел саен республика территориясендә Татарстан Республикасының гомуми белем бирү оешмаларында файдаланылган батарейкаларны җыю буенча акция үткәрелә. Сарман муниципаль районы белем бирү учреждениеләре дә бу акциядә катнашты. Калдыклар белән эш итү буенча региональ оператор "ГРИНТ" компаниясенә барлыгы 220, 303 кг батарейка тапшырылды. Иң күп батарейка җыйган укучы – Сарман урта мәктәбеннән Гөлия Хәлиуллина (17 кг), ә иң күп батарейка җыйган мәктәп – МБББУ “Сарман гимназиясе” (85,85 кг).

Эшлекле визит белән бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Сарман районына килде. Ул Ләшәү Тамак мәктәбендәге һәм Җәлил гимназиясендәге милли тәрбия, балаларга туган телебездә белем һәм тәрбия бирү мәсьәләләре белән кызыксынды.

Мәгариф бүлеге үткәрә торган традицион очрашу кысаларында 1 нче июнь көнне лаеклы ялдагы директорлар "Старт" чаңгы базасында җыелдылар. Озак еллар мәгариф өлкәсендә иңгә- иң куеп эшләгән, балаларга белем-тәрбия биргән укытучылар коллективын җитәкләгән ихтирамга лаек мәктәп җитәкчеләре - ди⁠ректорлар, яшьлек елларын, коллегаларын искә алдылар. Аларны котлап, мәгариф бүлеге җитәкчесе Әлфәт Зиятдинович матур теләкләрен җиткерде. Киләчәктә сәламәтлек, рухи байлык, күңел тынычлыгы теләде.
Очрашу бик күңелле оештырылган иде.

1 нче июньнән җәйге мәктәп яны һәм хезмәт лагерьлары үз эшләрен башлап җибәрделәр. 

Бүген Ленин ял паркында Сарман "Үзәкләштерелгән китапханә" белән берлектә "Мин татарча укыйм!" конкурсы булып узды. Анда барлыгы 8 белем бирү оешмалары укучылары катнашты. Барлык катнашучылар да грамота һәм истәлекле бүләкләр белән бүләкләнделәр.

Бүген район мәктәпләренең 10 нчы сыйныф укучылары һәм Сарман аграр көллияте студентлары өчен хәрби әзерлек буенча җыеннар башланды. Анда мәктәпләрдән - 78 һәм көллияттән 85 егет катнаша. Җыеннар мәгариф, хәрби комиссариат һәм ДОСААФ бүлекләре тарафыннан оештырылды. Ул 25 нче майдан 29 майга кадәр үтәчәк

22 мая 2021 года в Казанском государственном аграрном университете прошел очный региональный этап Всероссийского конкурса среди учащихся общеобразовательных учреждений сельских территорий и малых городов АгроНТИ-2021. Учащиеся 10 класса МБОУ "Сармановская СОШ" Айнур Хазиев и Раиль Фаттахов стали победителями конкурса и вышли в финал (руководитель-Шайхутдинов И.А.) Поздравляем победителей очного регионального этапа конкурса и желаем удачи в финальном этапе.

МБББУ «Адлер Тимергалин исемендәге Иске Минзәләбаш төп гомуми белем бирү мәктәбе” «Тарихи мирасны саклау» номинациясе буенча «Татнефть» грантына ия булды.

14 нче май көнне Сарман гимназиясендә ата-аналар комитеты җитәкчеләре өчен семинар узды. Җыелышны Әлмәт, Зәй, Сарман һәм Лениногорск районнарында Татарстан Республикасы буенча Роспотребнадзор идарәсенең әйдәп баручы белгече-эксперт Ләйсән Мөхәммәтшина уздырды. Укучыларның туклануына бәйле мәсьәләләр каралды.

Мәгариф бүлеге хезмәткәрләре Бөек Җиңүнең  76 еллыгына багышланган митингта катнаштылар.