6, 7 мартта безнең балалар бакчасында Әниләр бәйрәме узды. Ул бик күңелле, күркәм һәм матур булды. Барлык килгән кунаклар күтәренке кәеф белән, рәхмәтләр әйтеп кайтып киттеләр! Бәйрәм белән!!!

28 февральдә Җәлил бистәсендә "Ел тәрбиячесе  - 2014" бәйгесе узды. Анда безнең икенче кечкенәләр төркемендә эшләүче -  Зиатдинова Ильгизә Ильгизовна катнашты. Яхшы нәтиҗә күрсәтеп - "Ин  яшь  ел тәрбиячесе" номинациясенә лаек булды. Уңышлар сиңа, Ильгизә! 

Бүген без зурлар төркеме белән балалар бакчасында әтиләр бәйрәмен уздырдык.  Бәйрәм бик күңелле һәм эчтәлекле булды.Җырлар җырлап, шигырьләр сөйләп, уеннар уйнап рәхәт итеп ял иттек.

Мәктәпкә хәзерлек төркеме белән "Аҗаган" уены уздырдык. Анда төрле эстафеталы ярышлар булды: шайба ату, чанада бер-берсен тартып йөртү, чаңгы шуу һ.б. Балалар бик теләп, сөенеп ярыштылар. Ә иң азагында Арефьева Римма Ханифовна балалага задание биреп байраклар эзләтте. Иң шәп, җитезләре Камиль һәм  Резеда булып чыктылар.Афәрин!

Олимпия уеннары башлану белән безнең балалар бакчасында төрле чаралар уздырылды. Балаларның сәламәтлекләрен ныгыту, әйләнә-тирә белән кызыксыну монда бар да бар. Чараларны оештырып бик күп хезмәт куючылар физкультура инструкторы Арефьева Римма Ханифовна, музыка җитәкчесе Фаттахова Гөлфия Фаррязовна һәм тәрбиячеләр. Олимпия уеныннан бер күренеш.

Ел саен уздырыла торган чаңгычылар ярышы безнең Сарманны да урап узмады. Быел 32 нче бердәм чаңгычылар ярышы булды. Ул ярышта безнең кызлар бик актив катнаштылар.

Юл йөрү кагыйдәләре буенча безнең бакчада бик күп чаралар уздырыла. Шулар арасыннан "Тылсымлы патшалыкка сәяхәт" дигән чара иң уңышлы һәм күркәм булды. Аны мәктәпкә әзерлек төркеме тәрбиячеләре Гайсина В.А., Миннуллина Р.К. һәм музыка җитәкчесе Фаттахова Г.Ф. оештырдылар. Чарада Шапокляк ролен бик оста итеп Арефьева Р.Х. башкарды. Ачык чара бик матур һәм күркәм булды. Анда балалар юлдагы билгеләрнең ни өчен кирәклеген тагын бер ныгыттылар, бер-берсенә төрле киңәшләр бирделәр." Юл йөрү кагыйдәләрен онытмагыз!" - диеп,  ДАИ хезмәткәре Алсу Разиновна, балаларга рәхмәт әйтеп, бүләкләр тапшырды.

Мәктәпкә әзерлек төркемендә җыелыш булып узды. Анда мәктәптән директор, завуч һәм укытучылар булдылар. 1 сыйныфта укыганда балалар нәрсә белергә тиеш, нинди күнегүләр эшләп кул мускулатурасын  ныгытырга  кирәклеген аңлаттылар. 8 февральдан балаларны мәктәпкә керер өчен шөгыльләнергә чакырдылар. Мәктәп белән балалар бакчасы тыгыз элемтәдә эшлиләр, шунлыктан безнең бачада тәрбиячеләр  балалар белән  бик күп шөгыльләнәләр: рәсем ясыйлар, оригами, констукцияләү, аппликация дәресләре алып баралар. Ә мәктәпкә керә торган төркемдә грамотага өйрәтү дәресе дә үткәрелә, анда авазлар өстендә, дәфтәрләр белән  эш алып барыла. Балалар рус телен, математиканы да үзләштерәләр .Бердәм аралашып эшләгәндә генә балаларыбыз сынатмаслар дип ышанып калабыз

Ел саен балалар бакчаларында өлкән тәрбиячеләр җыелышып төрле өлкәләрдә белемнәре белән уртаклашалар. Быел безнең бакчада әти-әниләр белән эшне ничек оештырып алып бару турында сүз барды

Безнең бакчада тәҗрибә уртаклашу ул гадәти хәл. Яңа гына Флюза Рифовнаның рус теленнән ачык дәресен карадык. Уртанчылар төркеме балалары ел башыннан гына рус телен өйрәнсәләр  дә   белемнәре югары дәрәҗәдә.Бу тәрбияченең осталыгы, балаларга белемне дөрес итеп җиткерүен тәсвирлый.Киләчәктә дә уңышлар телибез.