Кояшкай ял лагеренда “Техник иҗат” атналыгы башланып китте, аның кысаларында “Оста куллар” түгәрәге эшчәнлеге эшли башлады. Балалар бу түгәрәктә краска, клей һәм тушь ярдәмендә картина ясадылар. Алар бу рәсемгә “Шатлык картина”сы дип исем куштылар, чөнки алар анда якты төсләр кулланды һәм рәсем ясар алдынна балаларга бик тә кызыклы видео-фильм күрсәтелгән иде. Картинада балалар үзләренең  эчке дөньясын ачып күрсәтте, балаларга бу ысул белән шөгелләнергә бик нык ошады.  

Икенче ашны ашап алганнан соң балалар “Без зарядка ясадык, йөгердек һәм сикердек!” дигән кичәдә булдылар. Балалар сәламәтлек турында бик тә кызыклы презентация карап үттеләр.

Көндезге аштан соң бадминтон уеннары булып узды, балалар бу уенда үзләренең көчләрен сынаштылар, капма-каршы командага бүленеп уйнадылар. Бүгенге көн бик кызыклы һәм рухи яктан файдалы булды.  

Бүген "Кояшкай" ял лагеренда "Математика атналыгы"ның соңгы көне, шул уңайдан бүген бездә "Математик кроссворд чишү" дип исемләнгән викторина булып узды. Балалар анда атна буе карап үткән кичәләргә анализ ясадылар һәм ике командага бүленеп, кроссворд чиштеләр. Сораулар авыр булуына карамастан ике команда да бирешмәде һәм очколарны бер тигез итеп җыеп, дуслык җиңде. 

Икенче аштан соң "Физкультура-минем дустым" дип исемләнгән уен-кичә булып узды, балалар рәхәтләнеп сикерделәр, йөгерделәр, кызыклы спорт уеннары уйнадылар. 

Балалар иртәнге ашны ашаганнан соң,  “Сихерләнгән урманда  байлык эзләү” дип исемләнгән викторинада катнаштылар. Бу уен  бик үзенчәлекле һәм кызык булды. Балалар ике командага бүленеп,  түбәндәге турларда көч сынаштылар. 1 тур “Тапкырларга табышмак”, 2 тур “Әкият геройларын таны”, 3 тур “Кроссвордлар илендә”, 4 тур “Кемгә аталган хат”, 5 тур “Музыка дөньясында”. Дөрес әйтелгән җавапларга  китап төшерелгән  житоннар таратылды  һәм очколар куелды, җиңүчеләр  ачыкланды.

"Сәламатлек илендә" дип исемләнгән спорт уены булып узды. Укучылар мини-футбол, корзинага туп кертү, скакалкада сикерү, обруч әйләндерү, катлаулы эстафета уеннарында көч сынаштылар. Мини-футбол уенына килгән әтиләр дә уеннан канәгать калды. 

Бүген 12 июнь- Россия көне уңаеннан,"12 июнь-Россия көне" дип аталган интеллектуаль кичә,рәсемнәр күргәзмәсе оештырылды.10.00-11.00 сәгать аралыгында  "Математик -шоу " уен -кичә булып узды. Кичә барышында укучылар математика фәне буенча алган белемнәрен ныгыттылар.  Көндезге аштансоң "Рәсемнәремдә туган авылым" дип исемләнгән рәсемнәр конкурсы булып узды. Җиңүче укучылар билгеләнде. Бүгенге көн кызыклы һәм файдалы үтте.

Балалар иртәнге ашны ашап алганнан соң, “Апельсин – шоу, яки кызгылт сары дискотека” җырлы – биюле, башваткычлы тамаша булып узды, бу уен балаларга бик каты ошады, алар рәхәтләнеп уйнадылар. 

“Төсле математика” дип исемләнгән викторина да булып үтте. Бу уен балаларга бик кирәкле уен булып чыкты.

Икенче аштан соң балалар  “Хуҗа Насретдинның көлке капчыгы” дип исемләнгән кичәне карап киттеләр. Анда чакырылгын кунаклар арасында Хуҗа һәм аның ишәге бар иде, алар балаларга кызыклы мәзәкләр сөйләп көлдерделәр, Хуҗа белән истәлекле фотоларга төштеләр.

Иртәнге ашны ашап үткәннән соң,  “Биш йолдыз” уены булып узды, бу уен балаларга бик кирәкле уен булып чыкты, чөнки бу уенда гел башны эшләтергә кирәк иде, төрле – төрле зур саннарны тапкырлау, бүлү, кушу, алу, шул саннардан мозаика төзү, һәм башка төрле кызыклы биремнәре бар иде.

Әзерәк кенә ял итеп алгач, балалар “Упкын төбендә” дип исемләнгән презентация карап киттеләр. Анда балалар начар гадәтләр һәм алар белән дус булган очракта нәрсә килеп чыга икәнлеге турында искә төшерделәр.

Икенче аштан соң  Ишан хәзрәтнең каберлегенә балалар  экскурсия ясадылар. Укучыларга төбәгебезнең үткәне, бүгенгесе  турында мәгълумат бирелде, аның бай тарихы турында сөйләнде. Укучылар экскурсиядән бик канәгать калдылар.

9 нчы июньнән 14 нче июньгә кадәр лагерьда математика атналыгы барачак. Атналык дәвамында балаларны "Биш йолдыз","Төсле математика","Математик уен-кичә","Сихерләнгән урманда байлык эзләү" викторина,математик кроссворд чишү уеннары узачак.Бүген алар "Морской бой" уен-кичә барышында математика фәне буенча алган белемнәрен ныгыттылар."Интеллектуаль уеннар тукталышында" 1 нче урынны Гиниятова Динә, 2 урынны Сибгатуллин Булат һәм Фархуллина Зәлия, 3 урынны Хазиев Айнур, 4 урынны Хузина Алия, Мирзагитова Айгуль һәм Шайхуллина Ильвина лар яулап алдылар.

Авылыбыз абыстае Әминә апа янында булып иман дәресләре алдылар.  

Бүген дә лагерь тормышы күтәренке рухта башланып китте. Иртәнге аштан соң Татарстанның данлыклы спорт мастерлары белән таныштылар,презентация карап фикер алышу оештырдылар.Саф һавада "Тизрәк! Биегрәк! Җитезрәк!" девизы астында ике команда көч сынашты.Тыл ветераннары Фәүзия апага һәм Мөхәммәт абыйларга ярдәм оештырдылар. Көндезге ашны ашаганнан соң "Нарат" боз сараенда рәхәтләнеп тимераякларда шуып,күңелле ял иттеләр.

Хөрмәтле коллегалар! Сезне милли бәйрәмебез-Сабантуй бәйрәме белән тәбрик итәбез! Сезгә күңелле яллар телибез!

Сабан туе-хезмәт туе,

Бәхет һәм шатлык туе.

Уйнап,биеп, җырлап,көлеп,

Бәйрәм итик көн буе!

Бүген “Кояшкай” ял лагереның бишенче көне.
Иртән балалар лагерьга кабул итеп алынды .Иртәнге линейка үткәрелде, Татарстан гимны астында лагерь флагы күтәрелде, көндәлек эш планы белән таныштырылды. Линейка барышында куркынычсызлык техникасы буенча инструктаж үткәрелде. Аннары “Шатлык” һәм “Елмаю” отрядлары бер-берсен җыр белән сәламләделәр.
“Бер, ике, өч – бездә бөтен көч!” дигән девиз астында сәламәтлек минуты үткәрелде. Балалар саф һавада физик күнегүләр ясадылар. Әйбәтләп кулларын юганнан соң, балалар иртәнге ашны ашап алдылар.
“Ягез әле, кызлар!”, “Ягез әле, егетләр!” бәйгесе дә бик кызыклы булып узды. Балалар уенда бик актив катнаштылар, һәм барысыда беренчелеккә омтылды. Шулай итеп "Ягез әле, кызлар" бәйгесендә 1 урынны Фархуллина Зәлия, "Ягез әле, егетләр!" бәйгесендә Гарипов Язнур яулап алдылар.