Бүген дәресләрдән соң "Кояшкай" балалар бакчасына йөрүчеләр,мәктәбебез укучылары "Милләтләр кроссы" акциясендә катнаштылар.1,2,3 нче урын яулаган укучылар мактау грамоталары белән бүләкләнделәр.

Бүген 5-11нче сыйныф укучылары  экология,астрономия фәннәреннән уздырылган олимпиадада катнаштылар.

Бүген 5-11 нче сыйныфлар катнашында мәктәп күләмендә "Кабак бәйрәме"булып узды.Кабактан ясалган эшләнмәләр арасында ниләр генә юк иде. Күргәзмәдәге эшләнмәләрне комиссия членнары уңай яктан бәяләде.

21 нче сентябрьдан мәктәп туры олимпиадалары башланып китте. Бүген укучылар экономика фәненнән олимпиадада көч сынаштылар.

2-11 нче сыйныфларда тимер юлларда куркынычсызлык кагыйдәләре буенча сөйләшүләр үткәрделәр.Укучыларның иминлеген тәэмин итү максатыннан үткәрелгән әлеге сөйләшү файдалы үтте.

15 нче сентябрь- Варислар туган көн. Шушы уңайдан бүген мәктәбебездә 5 нче сыйныф укучыларын "Чишмәкәй" балалар берлегенең Варисларына кабул иттеләр.Укучылар тантаналы төстә тырышып укырга, тәртипле булырга, Варисларның законнарын төгәл үтәргә сүз бирделәр.

Мәктәп радиосы аша тәнәфесләрдә Варислар турында мәгьлумат бирелде,җырлар тапшырылды.

 Яшь Тимурчылар яңа уку елында үз эшләрен башлап җибәрделәр. 5 нче сыйныф укучылары бу уку елында авылыбызда урнашкан һәйкәл-обелискка шефлык итәләр.

Бүген Бөтендөнья грамоталылык көне билгеләнеп үтелде.Шул уңайдан классларда укучыларның грамоталылык дәрәҗәләре бәяләнде.

"Көзге шәфкатьлелек айлыгы" кысаларында китапханәче Гильманова А.Н. "Чишмәкәй" балалар берлеге эзтабарлары белән "Тормыш- изге эшләр өчен бирелгән" дип аталган класстан тыш чара үткәрде.Кичәнең төп максаты- укучыларда шәфкатьлелек хисләре тәрбияләү иде.

Айлык план нигезендә 5-8 нче сыйныфлар өчен бүген химия- биология укытучысы Хасанова В.Р.бердәм экологик дәрес үткәрде.Укучылар кабат экологик белемнәрен тирәнәйттеләр.