Рамазан ае  иң саваплы ай. Бүген без балалар белән  мәчеткә килдек. Безне анда мөләем йөзле, дин сабакларын тырышып өйрәнүче Алинә апалары каршы алды. Ул балаларга кыска һәм үтемле итеп Рамазан ае турында сөйләде. Мөселманнарча исәнләшергә өйрәтте. Мәчет белән таныштырды. Изге коръән китабын пакъ күңел, пакъ тән белән генә укырга яраганлыгы турында аңлатты.

Нидер уйлап табу һәр баланың уенда була. Балалар тәрбияче апалары белән бергәләп су, ком, һава белән тәҗрибәләр уздырдылар."Бата батмый", "Нәрсә авырырак", "Суның төсен үзгәртү" дигән уеннар уйнадылар.

Балаларда әйләнә - тирәдәге матурлыкка кызыксыну уятуны максат итеп, җәйге мәйданчыгыбызны  төрле кул эшләре белән бизәргә булдык. Тырышлыгыбыз бушка китмәде. Әкияти, гүзәл мәйданчык барлыкка килде. Ата-аналарның да өлеше бар бу матурлыкта. Балалар бакчасы тормышына битараф булмаган әти- әниләребезгә зур рәхмәтебезне җиткерәбез.

Аю килгән урманнан,

Кемдер аны чакырган.

Бакчадагы балаларга ,

Бер тәпән бал китергән.

Куян йомшак куян

Безгә кунакка килгән.

Анын койрыгы кыска

Колагы җиргә тигән.

Сазлыктагы бакалар !!!!                                                                                                                                                                                 

Ул өстенә җәй дә, кыш та

Энәле күлмәк кия.

Шулай да аны әнисе

“Йомшагым” диеп сөя.

Кулдан эшләнгән әйберләр гомер-гомергә затлы саналган.Хәзерге вакытта кул эшләре белән кызыксынучылар көннән - көн арта бара. Бүген без балаларга әби - бабаларыбызның гореф гадәтләрен киләчәк буынга тапшыру ниятеннән, кул эшләре остасы Гөлсәхрә әбигә кунакка килдек. Ул аларга үзенең бәйләгән, чиккән кул эшләрен күрсәтте. Һәр эшләнмәдә күз нуры, күңел матурлыгы, куллар җылысы саклануы турында тәсфилләп сөйләде.Балалар канәгать калды.

Саф һавалы урманга, табигатьнең иң гүзәл җиренә сәяхәткә киттек. Без урманда кошлар сайравын тыңладык, җиләк җыйдык. Дару үләннәрен танырга өйрәндек.