Киереләм, сузылам,

Кояшта да кызынам.

Язын уйныйм бакчада,

Рәхәт бит саф һавада.

Бераз гына  моңсу да,

Шатлыклы да көнебез

Балачакның иң кадерле

Баскычын бит үтәбез.

Космос - иксез - чиксез пространстводагы миллионлаган галактикалар җыелмасы. Ә галактика ул - гигант йолдыз утравы. Галактикага кергән йолдызларның берсе - Кояш. Кояш системасына 9 планета керә.

- Алло, алло, Галәмме бу?

Хәбәр бирәм мин җирдән.

Бу мин - Айнур атлы малай,

Татарстан дигән җирдән.

Сукты тылсымлы сәгать

Утырдык залга кереп,

Серле пәрдә артыннан

Курчаклар чыкты килеп...

Фокусчы фокус күрсәтә,

Карап тора бар кеше

Таяк белән бер селтәнсә,

Могҗиза була үзе.

Ачылда ак калын юрган,

Исте апрель җилләре.

Кошлар кайта: сагындырган

Туган - үскән җирләре.

Котлап бүген бәйрәмне,

Калфаклар да чиктек без

Хәзер шуларны киеп

Матур итеп биибез.

Юлны аркылы чыкканда

Карыймын уңга, сулга,

Күрсәм якында машина

Ашыгып басмыйм юлга.

Көнгә чыксак, каршы ала

Сибеп җылы нурларын

Кояш һаман безнең белән

Без -  кояшның  дуслары!