Бөтен кешелек дөньясына ямь бирүче, акыллы фикерләре белән безгә юл күрсәтүче дәү әниләребез, кадерле әбиләребезне өлкәннәр көне уңаеннан, бәйрәм кичәсенә чакырдык.Балалар үзләренең әбиләрен яратуларын  биюләр, шигырьләр, җырлар аша җиткерделәр.Бәйрәмегез белән хөрмәтле  өлкәннәр!

Мөселманнар өчен изге бәйрәмнәрнең берсе булган Корбан гаете уңаеннан, бакчабызда корбан ашы уздырдык. Рамил хәзрәт балаларга аңлаешлы иттереп корбан чалу турында аңлатты. Ашау кагыйдәләре, чисталык, яхшылык һәм начарлык турында тирән мәгънәле вәгазь сөйләде.

Сәламәтлек зур байлык бит,

Хәрәкәттә- бәрәкәт,

Спорт белән шөгыльләнү ,

Җанга ял, тәнгә сихәт.

Район күләмендә үткәрелгән "Кабак бәйрәмендә"ел саен катнашып киләбез.Быел да бакчадагы кабаклар әкият геройларына әйләнделәр.Үзләренең иҗат эшләре белән әти-әниләрдә актив катнаша. Аларга гайләдә тынычлык,эшләрендә уңышлар, байлык муллык теләп калабыз. 

Атна буе үткәрелгән мониторинг уеннардан соң, балаларыбыз  зирәклек һәм тапкырлыкта үзара көч сынаштылар. "Аермасын тап" уены барышында балалар тагында җитдиләнеп киттеләр.

Балаларда туган якка карата ярату хисләре тәрбияләү,  туган авыл, туган як турындагы белемнәрен  киңәйтү өчен урманга ,басу кырларны карарга дип экскурсиягә киттек. Аларда урман,бик кызыксыну уятты.  Төрле-төрле сораулар бирделәр. Көзге матурлыкка сокланып ,тәбигать үзгәрешләре турындагы белемнәрен арттырдылар.

Янәшәдәге кукуруз басуы да игътибарыбызны җәлеп итми калмады.