Бүген "Кулинария" түгәрәгендә авыл китапханәсендә оешкан "Ак калфак" членнары мастер класс күрсәттеләр. Шайнурова Ания апа авылның иң оста пешекчесе буларак үзенең тәҗрибәсе белән уртаклашты. Ул укучыларга кош теле һәм урама пешерү технологиясен өйрәтте. Түгәрәк ахырында бергәләп чәй эчтеләр.

15 май көнне 1-9 нче сыйныфларда “Минем тормышымда гаилә һәм ватан” дигән тема буенча бердәм  класс сәгате үткәрелде. Дәрестә  укучыларда әти-әни, әби-бабай, туганнарга карата олы ихтирам,хөрмәт, мәхәббәт хисләре тәрбияләү, аларның кадерен белү теләге уяту, Ватанны ярату һәм саклау кебек максат куелды. Дәрестә укучылар үзләренең гаилә әгъзалары турында әңгәмә кордылар, гаиләдәге кызыклы вакыйгаларга тукталдылар. Шулай ук гаилә, ватанга бәйле табышмаклар, мәкаль-әйтемнәр әйтелде. Укучылар үзләренең гаилә рәсемен ясадылар һәм гаилә белән ватанны яратырга, сакларга кирәклеккә төшенделәр.

29 нчы апрель көнне класс сәгатендә 1-9 нчы класс укучылары белән Чернобыль АЭС  авариясе турында сөйләшенде.Әлеге сыйныф сәгтендә түбәндәге максатлар куелды: укучыларга Чернобыль  трагедиясе    турында    төшенчә  бирү,  бер-береңә  булышу,  патриотлылык хисләре  тәрбияләү. Укучыларга бу  авариянең   бик  күп  кешеләргә   кайгы  китергәнлеге  аңлатылды.  Чернобыль  трагедиясе  ул-  кара  кайгы,  ул  башка  беркайчан  да  кабатланмасын  иде, -дигән  нәтиҗә  ясалды.

Бүген Саба гимназиясендә районкүләм "Инглиз теле фестивале" үтте. Анда укучылар "Җыр", "Шигырь сөйләү","Сәхнәләштерелгән күренеш" номинацияләрендә көч сынаштылар. Мәктәбебезнең 5-8 сыйныф укучылары "Сәхнәләштерелгән күренеш" тә уңышлы чыгыш ясап 3 урынга лаек булды. МОЛОДЦЫ!!!

“Язгы  игелекле  эшләр атналы”гын  йомгаклау көне  уңаеннан  укучылар белән “Хәйрия  ярминкәсе”н  үткәрдек. Аннан  җыелган  барлык  акчаны  хәзерге  вакытта бик тә ярдәмгә  мохтаҗ  авыру баланың  банктагы  хисабына  салдык. Укучылар белән  бергәләп, флешмоб биедек. Һәр сыйныф   атна  дәвамында  эшләгән  эшләрен чагылдырган  стен-газеты  чыгарды Иң  актив  катнашучы классларны  билгеләдек.

“Без бергә”дип  аталучы  көндә  без Курсабаш  авылында  урнашкан  мәчеткә  бардык.  Авылыбыз  мулласы Нурислам абыйның   бик мәгънәле  вәгазьләрен  тыңладык. Соңыннан  илләребез  тыныч, өстәлләребез  мул  булсын, дип  дога  кылдык.