"Ел укытучысы-2016" конкурсының 3нче этабына мәктәбебездән информатика укытучысы Галиева Г.М. һәм физик тәрбия укытучысы Галиев А.Г. үтте. Укытучыларыбызны зур җиңүләре белән котлыйбыз һәм алга таба да уңышлар телибез.

Мәктәбебездән 10 укытучы бүген "Ел укытучысы" конкурсында катнашырга китте. Аларның һәрберсенә дә уңышлар һәм җиңүләр теләп калабыз.

Башлангыч сыйныфлар атналыгының 3нче көне технология фәненә багышланды. Укучылар оригами ысулы белән кәгазьдән төрле әйберләр ясап, күргәзмә оештырдылар. Бу эштән бер укучы да читтә калмады.

Башлангыч сыйныфлар атналыгының 2нче көне математика фәненә багышлана. Укучыларыбыз математикага кагылышлы сүзләрдән яңа сүзләр төзеделәр, һәр сыйныф ишегенә ябыштырылган математик ребуслар һәм башваткычларны бик кызыксынып чиштеләр һәм әзер җавапларны тартмага сала бардылар.

 "Ел укытучысы" конкурсы  кысаларында "Балалар коллективын оештыручы-2016" номинациясендә  педагог-организатор Зиганшина Н.С. бүген финал этабында катнашып,  яхшы нәтиҗәләргә ирешеп кайтты. Нәфисә Солтанахметовнага алга таба да зур уңышларга ирешүен теләп калабыз.

Педагог - организатор Зиганшина Н.С. 2б сыйныфы укучылары белән "Без-табигать дуслары" исеме астында сбор үткәрде. Сборның төп өлешендә укучылар табигать, аның байлыкларын сакларга кирәк икәнлегенә тагын бер тапкыр инандылар, төркемнәрдә киселгән рәсемнәр белән табигать күренешен ясадылар, "Зәңгәр күл" җырын өйрәнделәр. Соңыннан яшел яфракларга табигатьне саклау кагыйдәләрен язып, агачны киендерделәр.

Бүген мәктәбебездә башлангыч сыйныфлар атналыгы башланып китте. Атналыкның беренче көне   "Минем яраткан фәнем-рәсемдә" дип атала.Укучыларыбыз үзләренең яраткан фәннәрен рәсемдә сурәтләделәр һәм әлеге рәсемнәрдән күргәзмә дә оештырылды.

Бүген мәктәбебезнең тарих укытучысы Сөләйманова Найлә Мансуровнага -  50 яшь. 

Хөрмәтле Найлә Мансуровна! Сезне ихлас күңелдән олы юбилеегыз белән котлыйбыз. Сезгә сәламәтлек, эшегездә, тормышыгызда зур уңышлар, һәрвакыт шундый ярдәмчел, сабыр, кешелекле булып калуыгызны телибез.

Чаңгы ярышы буенча мәгариф хезмәткәрләренең кышкы спартакиадасында физик тәрбия укытучыларыбыз Галиев А.Г. - 1нче , Вафин А.В. -знче урынга лаек булды. Укытучыларыбызга алга таба да зур җиңүләр теләп калабыз.

Мәктәбебез укытучылары районда узган кышкы спартакиадада катнашып, аркан тартышу буенча 2нче урын алып кайттылар. Аларны җиңүләре белән чын күңелдән котлыйбыз!