Мәктәбебездә "Без ГТОга әзер!" девизы астында бүген физкультура укытучысы Галиев А.Г. мини-футбол уены оештырды.

"Без ГТОга әзер!"  Бетенроссия акциясе кысаларында мәктәбебездә рәсем конкурсы үткәрелде, стена газетасы чыгарылды. 

5нче сыйныф укучылары Усманова Дилә һәм Хадиева Зилия бүген Саба гимназиясендә Марк Твенның "Том Сойер" китабы буенча үткәрелгән квест-уенда катнашып кайттылар.

Бүген мәктәбебезгә республика районнарыннан мәктәп директорлары килде. Алар мәктәп эшчәнлеге белән таныштылар, түгәрәк өстәл, мастер-классларда катнаштылар, дәресләр карадылар.

  Кырым Республикасы һәм герой – шәһәр Севастопольнең Россия Федерациясе составына керүенә март аенда 2 ел булды. Дәүләт дәрәҗәсендәге бу вакыйга уңаеннан мәктәбебездә сыйныф сәгатьләре үткәрелде. Шулай ук “Салават күпере” түгәрәгенә (җитәкчесе Ахатова Л.Ф.)  йөрүче укучылар арасында рәсем конкурсы оештырылып, иң яхшы дип табылган рәсемнәр күргәзмәгә куелды.

Бүген мәктәбебездә ярминкә үткәрелде. Сатуга укучылар кулы белән бәйләнгән, тегелгән, чигелгән, агачтан эшләнгән товарлар,гөлләр куелды. Шулай ук ярминкәдә пешкән камыр ризыклары, тозлаган кыяр-помидорлар, салатлар, кайнатмалар да урын алган иде.Ярминкәдә барлык сыйныф укучылары да актив катнашты. Рәхмәт укучыларыбызга һәм әти-әниләргә!

Сегодня в нашей школе прошел районный семинар - практикум для заместителей директоров по учебной работе на тему: "Методическая поддержка педагогов-важнейшее условие повышения качества образования". С приветственным словом выступил  директор школы А.Н.Шаймарданов.Программа семинара была очень насыщенной. В конце семинара был организован круглый стол.

Бүген район балалар иҗат үзәгендә КВН уенының финал өлеше булды.Мәктәбебезнең КВН командасы бу уенга бик ныклап әзерләнде һәм 1нче урынга лаек булды. Командадагы укучыларыбызга тырышлыклары өчен чын күңелдән рәхмәт әйтеп, алга таба да зур уңышларга ирешүләрен теләп калабыз. Кадерле укучыларыбыз, һәрвакыт шундый шат күңелле, тапкыр булып калыгыз!

 Мәдәният йорты белән берлектә бүген Нәүрүз бәйрәме үткәрелде. Бәйрәм  укучыларның сәхнәләштергән күренеше белән башланып китте. Тәмле ботка, коймаклар белән сыйланып, төрле уеннар, ярышларда катнашып, истәлек бүләкләре алып  укучылар һәм авыл халкы  рәхәтләнеп ял итте.